_99.jpg)
Xəbər lenti
Aqil Məmmədov: "Bugünkü Azərbaycan Heydər Əliyevin görmək istədiyi Azərbaycandır"
15 İyun Milli Qurtuluş Günü ilə bağlı Bakı şəhərində Kəlbəcər ictimaiyyətinin nümayəndələrinin iştirakı ilə tədbir keçirilib. Tədbirdə Milli Məclisin Kəlbəcər rayonundan olan deputatı Aqil Məmmədov geniş məruzə ilə çıxış edib.
Millət vəkili bildirib ki, 15 iyun xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan Ümummili lider Heydər Əliyevdir: “Həyatını xalqına, ölkəsinə həsr etmiş bu müdrik siyasi və dövlət xadimi tariximizdə müstəqilliyimizin memarı və qurucusu kimi yer tutub. Azərbaycan xalqı haqlı olaraq Heydər Əliyev irsini müstəqilliyinin təminatçısı kimi qəbul edir.
Qədirbilən xalqımız böyük xilaskarının xidmətlərini unutmur və 15 İyun - Milli Qurtuluş Gününü hər il yüksək əhval-ruhiyyə ilə qeyd edir”. A.Məmmədovun sözlərinə görə ötən illər ərzində Azərbaycan böyük inkişaf yolu keçib: “Ölkəmizin inkişaf strategiyası məhz ulu öndər Heydər Əliyev tərəfindən müəyyənləşdirilib.
Azərbaycanda Heydər Əliyev siyasətinin alternativi yoxdur. Bugünkü Azərbaycan Heydər Əliyevin görmək istədiyi Azərbaycandır. Qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident İlham Əliyevin bu siyasi kursu uğurla davam etdirməsi faktı dayanır. Bu günün fövqündən baxanda Azərbaycanın gələcəyi daha işıqlı və firavan görünür. Çünki müstəqil Azərbaycanın idarəçilik sükanı etibarlı əllərdədir”. Tədbirdə çıxış edən YAP Kəlbəcər Rayon Təşkilatının sədri Həbib Misirov bildirib ki, kəlbəcərlilər hər zaman Heydər Əliyevə və onun siyasətinə sadiq olublar, bu mövqe davam etməkdədir. O, bildirib ki, Kəlbəcərin və digər işğal altında olan torpaqlarımızın azad olunması bu bu siyasətin məntiqi nəticəsidir. Tədbirdə ziyalılar, gənclər 15 İyunla bağlı fikirlərini bölüşüblər.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar