Xəbər lenti
Aydan Ay: "Dən düşür ayaq izimə..."
Aydan Ay***
Alnımda boy atar yollar...
...aparar məni uzağa.
...tənha vərəqlər məni
danışar qara, sazağa.
Alnımda boy atan yollar...
Biri çıxmaz göy üzünə...
Kim ağlayır arxamca?!
Dən düşür ayaq izimə...
Alnımda boy atan yollar
ağaca, şama tanışdı.
...çiçəyə, dumana-çənə,
göz yaşına tanışdı.
Bircə atama yaddı...
...gülüb keçər o yollardan;
Elə keçər ki küsər
gül yarpağından,
quş qanadından,
yel duasından.
Alnımda boy atan yollar
silər köksündən addımları...
Dalımca ağlayan,
sus!..
Unut namərd uzaqları!
Unut ki, mən də unudum barı...
Unudum
qarı sazağı,
unudum
göy üzünü,
unudum
ayaq izimi,
unudum
ağacı, şamı,
unudum
göz yaşımı!
Unudum...
Unudum ki atama heç nə qalmasın!
Bir də
o yarpağından küsən gül,
o qanadından küsən quş,
o duasından küsən yel
mən idim,
mən!
Heç kimə demə...
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar