Xəbər lenti
"Könül yolçuluğu"muz davam edir - Yusuf Ziya Yılmaz
Yusuf Ziya Yılmaz, Qarsın Sarıqamış rayonunda doğulub. 1986-cı ildə Van Yüzüncü İl Universitetinin Tədris fakültəsini bitirib. Kocaəlinin Gəbzə şəhərində müəllimlik edir.
DARIXDIM
Dünən əmanət etdiyin yuvaya getdim,
Qapıya, pəncərəyə baxıb qəhr oldum.
Nə anam var, nə sən varsan, qalmışam yetim,
Sən gedən yollara baxıb ağladım, ata.
Yandakı ev uçmuş, daşları tökülmüş,
Qonşuları soruşdum, onlar da köçmüş.
Üstündən nə acılar, kədərlər keçmiş.
Toprağını, saldığın bağçanı gəzdim,
Əllərinlə əkdiyin ağacı sevdim.
Oğlum, cənnət sənin evindir deyirdin.
Hördüyün daşlara baxıb ağladım, ata.
Qapı önündə can deyənçün darıxdım,
Lavaş bişirib al deyənçün darıxdım,
Gəl, getmə oğlum, qal deyənçün darıxdım.
Əlin dəyən daşı öpdüm, qoxladım, ata.
SƏN MƏNİM ƏN GÖZƏL KÖNÜL YARAMDIN
Sən mənim ən gözəl könül yaramdın.
Qabıq bağladıqca qanatdın,
qanadıb-qanadıb ağrıtdın.
Adım Yusif deyə,
sonsuz həsrət qoxulu
qaranlıq quyulara atıb,
eşqsiz, sevgisiz buraxdın,
Həzrəti Əyub səbriylə şükr etdirib,
qəmzələrinin çobanyastığı çuxurunda
hıçqıra-hıçqıra ağlatdın.
Vaxtsız incə-incə sızlayan,
acısına acı qatıb sevdiyim.
sevib-sevib ürəyimə sardığım.
Bir ovçu öldürən ahu gözünə
dənizlərim , yaylaqlarım dediyim.
Gülüşünün sahilində ağladığım,
həsrətini ürəyimdəki yanar dağda
qızğın alovlarda nar kimi
gözlərimə sıxıb dağladığım,
sən mənim ən gözəl könül sızıltım.
Sən mənim ən gözəl könül hekayəmdin:
Hərflərini Baburun gül bağçalarından,
hecalarını Tac Mahaldakı sevdalardan,
sözlərini Qızıl sahildəki işıldaböcəklərdən,
cümlələrini Yanardağın alovlarından,
sətirləri yasaq şairlərin şeirlərindən,
incitmədən naxış-naxış yazdığım,
qara qanlı gecələrdən ulduzlar toplayıb
ürəyimin ən gözəl guşəsinə
Ay işığında gül bəzəyən,
Günəşim dediyim baxışlarını
dünyanı aydınlatsın deyə asdığım,
gülüşlərinə ömrümün bütün illərini
sevə- sevə verdyim.
Ayazın qurd kimi uladığı,
sənsizliyin sümüklərimi dondurduğu,
Sarıqamışın fırtınalı, zülmət gecələrində
adının kölgəsinə sığınan çarəsiz bir xəstənin
son ümidlə dərman gözlədiyi kimi.
Gözləri yollarda bir ananın,
saqqalından göz yaşı süzülən
məzlum bir atanın
xeyirsiz, vəfasız övladını
gözləri qapıda gözlədiyi kimi.
Yetim bir uşağın bayram paltarını gözlədiyi kimi,
Əzrayıla son nəfəsini verən
ölüm döşəyindəki bir xəstənin
bir damla suyu gözlədiyi kimi,
Sən mənim ən gözəl könül həsrətimdin.
Nazilə Gültac təqim etdi...
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Sorğu
Portalımızı dəyərləndirin.
Çox oxunanlar