Xəbər lenti
"Əlim əlinə dəyəndə, bütün şifrələr açılmışdı" -ŞEİR
"Könül yolçuluğu"muz bu dəfə şair İsmayıl Başbunarla davam edir. İ. Başbunar 1981-ci ildə Türkiyədə doğulub. Kütahyada yaşayır.
QISA BİR FİLM
Əlim əlinə dəyəndə,
bütün şifrələr açılmışdı.
Yanağına bir busə qonduranda,
cənnətlə, cəhənnəmin arasıydı.
Xatırla, gözlərini yumub öpdüyünü-
okeanlar coşurdu.
Nə yağış, nə günəş eynimizə deyildi.
Saçların astaca dəyib üzümə
əzizləyirdi.
Yumşaq nəfəsin toxunurdu.
Dayan, dedin birdən.
Düşürmüş kimi göy üzündən.
Sonra özünü düzəldib,
yumşaq nəfəsini yenidən
yorğun boynuma doladın.
Gözlərini yumub aydınlığa,
Uçan bədənini sardın bədənimə.
Yer üzünü söylədim qulağına.
Xəfif əsən külək kimiydin.
Anladım.
Sevgin işğal edirdi torpaqlarımı.
Özümü buraxırdım limanına.
İllələrlə əsməyən
bir yel çırpılırdı qayalıqlarıma.
Bizim istəyimiz yerə qədərdi.
Yüklərimizdən xilas olmuşduq.
Uzun sürmədi – iki saatlıq filmiydi.
Qalsın xatirə dəftərimdə.
ATAMIN OLDUĞU YERDƏYƏM
1881-ci ildə.
Mavi gözlü, sarı saçlı
Düz vaxtında bir oğul doğuldu.
Atam, indi doğulduğun yerdəyəm.
Əli Rza əfəndinin gözü,
Zübeydə xanımın can sözü,
Mustafa Kamal adında ,
Atam, nəfəs aldığın yerdəyəm.
Trablusqarpdan Balkanlara,
Dumlupinardan Kocatəpəyə,
Ankaradan Çanaqqalaya
Atam ayaq basdığın yerdəyəm.
Tarladan sənayeyə,
Ordudan siyasətə,
Elmdən fənnə,
Atam, göstərdiyin yerdəyəm.
“Ordu, ilk hədəfimiz Ağ dənizdir, irəli!
Əfəndilər, sabah Cumhuriyyət quracağıq,
Ey Türk qadını sən yerdə sürünməyə deyil,
Çiyinlər üzərində göylərə yüksəlməyə layiqsən!”
Atam, dediyin yerdəyik.
Bu gün on noyabr,
Gözümdə yaş damlası səninləyəm,
Boğazım düyümləndi birdən.
Atam, sözün bitdiyi yerdəyəm.
YAXDIĞIN YERDƏYƏM
Gələndə bahar,
gedəndə yetim bir uşağam.
Hər dəfə göz yaşlarım axsa da,
mənim üçün dünyanın son dayanacağısan.
Sənin üçün mən kim olduğumu bilmədən
yaşamaq istəyirəm.
Sus,
dinlə içimdəki fırtınadan
daha qüvvətli sənsizliyi,
Dinlə içimdəki sənsiz, səssiz quyuları,
Quyulardakı amansız bağırtılarımı,
Nəfəsimi udaraq, içimdəki səni dinləyirəm,
Dinlədikcə yaşadığımı xatırladırsan.
Atəşli gözlərini çox gec gördüm.
Gözlərində anidən yanmış bir vulkanam
Yaxdığın yerdə qalmışam,
yenə də yanmaq istəyirəm.
Kül olana qədər yax, yandır məni nə olar.
TƏQDİM ETDİ: Nazilə GÜLTAC
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar