Xəbər lenti
"Hərdən çiçək yığıram, yoxluğuna düzürəm..." - Əli Ruzgar
"...Deyirlər, "təbəssüm ömrü uzadır",
Üzümə gülmədin, canın sağ olsun..."
Manevr.az gənc şair Əli Ruzgarın yeni şeirlərini təqdim edir:
Ümidsizlik
Tellərinin ətrini,
Çiçəklərdə gəzirəm.
Ümidim var hələ də,
Həsrətinə dözürəm.
Gah şəklinə baxıram,
Gah köksümə sıxıram.
Hərdən çiçək yığıram,
Yoxluğuna düzürəm.
2×2
Səni düşünürəm.
Düşüncələrim,
Sənli fikirlərə, düşlərə möhtac.
Səni düşünürəm.
Səni düşünmək,
Yarı başağrısı, yarı ehtiyac.
And
Rənglərin ən gözəli,
Çiçəklərdə olandır.
Ağ,
Sarı,
Narıncı və digərləri.
Rənglər də duyğular qədər özəldir.
Və,
And olsun çiçəklərə;
Adicə bir təbəssüm,
Ən yaraşıqlı çiçəkdən də gözəldir.
Canın sağ olsun
Düşün ki, dünyanın sonu bu gündür,
Bu gün də gəlmədin, canın sağ olsun.
Deyirlər, "təbəssüm ömrü uzadır",
Üzümə gülmədin, canın sağ olsun.
Ayrılıq qisməti olmadı, kimin?
Tənhalıq ölümə yaradır zəmin,
Sənə qarşı olan saf məhəbbətin,
Qədrini bilmədin, canın sağ olsun.
Yenə külək əsir, şimşəklər çaxır,
İntizar adamı yandırıb yaxır.
"Ayrılsaq ölərəm" demişdin, axır
Ayrıldıq ölmədin, canın sağ olsun.
Əli Rüzgar
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Təqvim
| « Sentyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Sorğu
Portalımızı dəyərləndirin.
Çox oxunanlar