Xəbər lenti
Neslihan Dağlı: "Ölürəm xəyallarımın qaranlıq meydanında..."
Neslihan Dağlı, əslən Adanalı olsa da Qaziyəntəpdə doğulub. Koncervatoriyada oxuyub. Radio və tekstil sahəsində işləyib. Uzun və qısa metrajlı iki fimdə çəkilib. Şeirlər yazır. 3 şeir kitabı çap olunub. İkinci şeir kitabı 2016- cı ildə Azərbaycanda mükafat alıb. Adanada “ Söz” qəzetində çalışır.
BİRDƏN GÖRƏ BİLMƏSƏM
Uğuldayan rüzgar, neçə fırtına lazımdı
Sənə yetişməyə.
Qınından çıxarıb paslı xəncəri
Neçə dəfə köksümə saplamaq lazımdı.
Ölürəm xəyallarımın qaranlıq meydanında.
Dan yeri ağarmır, de ona.
Neçə keçim qışın soyuğunda sudakı Ay işığını.
Neçə dəfə dua etməliyəm Tanrının lütfünə.
Tarix büsbütün yalan, dildəki yaram sağalmır.
Deyirəm ümidə yazım, ümid də gülür.
Hələ çox şey var, görə bilmədiyim.
ATƏŞ BƏXTLİ
Hüzn çiçəkləri böyüdürəm içimdə,
İsanın çarmıxa çəkilməyini izləyirəm.
Ölən uşaqlarını kəfənlərindən
çıxartmağa çalışır analar.
Dualarının qarşılığıymış
oda qismət olmaq;
Bu kainatda qadın,
bir də uşaq
saysız- hesabsız qayğı yükündə.
Amma kişilər həmişə baş rolda.
Aciz olmaq deməkdir;
uşaq olmaq, ya qadın olmaq.
Bu dünya keşməkeşində
özünüzə saxlayın artıq o çiçəkli, böcəkli
doğru olmayan nidalarınızı,
hərflərinizi, kəlmələrinizi, cümlələrinizi, yazılarınızı,
haraya göndərəcəyinizi bilmədiyiniz çiçəklərinizi,
bəxtimə saldığınız naxışınızı.
Necə olsa da doyrmur gözünüz, acgöz nəfsiniz
Siz ey eşqi kirləndirib həzzə varanlar.
Qəlbinə bir sərçə toxunuşu bəs edəcək qadınları öldürdünüz.
Bir sərçənin son qanad çalmasına tale yüklüydü onlar.
DİLƏK AĞACI
Kədərliyəm, Amir!
Səsim qırılıb,
Cümlələrim tikiş tutmur bu aralar.
Əlimi nəyə atsam, köksüm ağrıyır.
Qəlbim yarpaq kimi küləklərdə sovrulur.
Saçlarım!
Saçlarım unudulmuş dilək ağacı!
Amir!
YAĞIŞDAN ÖNCƏ
Ola bilər bir gün rastlaşaq,
Yağışdan öncə portağal çiçəklərinin
sərxoş edən qoxusunun tilsimiylə.
Sarı isti bir şəhərdə qaldığımız yerdən
Heç bir şey olmamış, incidilməmiş,
sevgimiz heç bitməmiş kimi sarılaqmı?
QUMRUNUN ƏLLƏRİ
Divarları özlərinə məskən bilən
Kimsəsiz uşaqlar,
Dumanlar içindəydi gözlədiyim gəmi.
Nimdaş nağıllardan
sünbül sevinci səpərdim,
yanıb kül olan xəyallarıma.
Ürəyimin qapılarını açdım.
Qanad çaldı qəlbimin sevinci qumrular
əngin dənizlərə varmaq üçün.
Təqdim etdi: Nazilə Gültac
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar