Xəbər lenti
Cavid Fərzəli: "Hələ də yaşayıram kor radionun səsində..."
"...Heyif,
evimizə bir gülüş ala bilmədim ki,
günəşin canı qurtarsın pəncərəmdən..."
Manevr.az Cavid Fərzəlinin yeni şeirini təqdim edir:
***
Ac bir pul qabıya çörək olmaq istəyirəm...
Qoy çiçəkli inqilablar çörək aclığından ölsün,
içsin zəncirdəki göy üzünü dənizlər
pinəçi buludların üstünə,
bahalı küçələrin gözlərinə.
...bu pul qabıda
ciblərim min tabut borcudur,
ayaqlarım bir ayrılığa möhtacdır.
Getsəm, yetim qalar otağım,
çətirsiz günümə arxa durmaz yağışlar.
İndi bu pul qabı.
hardasa bir tikə çörəyin boyun bükür,
hardasa bir şam işığının evin yıxır,
hardasa son qəpiyinin boğazından kəsir...
Acgöz küçələrdə üşüyür qəpiklərim,
masaların ürəyində acından ölür
qab-qaşığım.
Hələ də yaşayıram
kor radionun səsində,
köhnə pencəyin qolunda.
Heyif,
evimizə bir gülüş ala bilmədim ki,
günəşin canı qurtarsın pəncərəmdən...
Cavid Fərzəli
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar