Xəbər lenti
Cavid Fərzəli: "Buludlar qucaqlayar boyunu..."
"...Gözün düymədir dünyaya bağlı
atlı qanaddır ətəyin sənin..."
ŞİNEL
Səadət asılıb çiynindən bu şinelin.
Cansız bir otaqda tək-tənha.
Ayazı geyinib qarlı qış günü,
Günəşi tərk edibdi qızmar bir gün.
İçindən keçirib payızı,
taleyi kirlənib bu şinelin.
Qırışıb canındakı görkəmi,
Kiflənib bəzəndiyi sözlər.
Qorxma,
ömrün asılqanda qalmaz sənin.
Gözün düymədir dünyaya bağlı
atlı qanaddır ətəyin sənin.
Ürəyin yaxa açar bu xoşbəxtliyə.
Ciblərin əllərimiz evidir.
İçində qızınan bir mələk taparsan.
Götürüb bir ağ gün geyinər səni.
Əyninə gəlməz bu səadət,
Yaddaşı itər şəkillərinin
Gülüşünü oğurlayar həyat.
Başın üstə küləklər kar olar,
Buludlar qucaqlayar boyunu.
Hakimi, səfili zindan
səni də iblis soyunmaz.
Axı, sən hamının canında
iblisin də xatirəsin isti tutubsan
mələklərin də.
Ətrin köhnəlib, bəxtin bozarıb daha
ürəyini parçalara bölüb
çiçəklərin yarasın sarıyarsan,
yağışların qanın kəsərsən.
Cavid Fərzəli
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar