Xəbər lenti
Salyanda poeziya dərnəyi yaradıldı
Salyanda poeziya dərnəyi yaradılıb.
Manevr.az xəbər verir ki, bu gün Salyan rayon Mərkəzi kitabxananın nəzdində "Xəlil Rza Ulutürk adına poeziya dərnəyi" yaradılıb. Dərnəyin təsisçiləri Salyan rayon Mərkəzi kitabxananın rəhbəri Səidə Əliyeva, AYB-nin Muğan bölməsinin rəhbəri Nəbi İbrahimli və tanınmış şair, pedaqoq Firdovsi Sarvanlıdır.
Pandemiya qaydaları çərçivəsində keçirilən tədbirdə Vətən müharibəsi iştirakçısı, gənc şair Həsən Kür sözügedən dərnəyin rəhbəri seçilib. Dərnəyin yaradılmasında əsas məqsəd rayondakı yeni istedadları üzə çıxartmaq, onlara dəstək olub respublika ictimaiyyətinə təqdim etməkdir.
Həsən Kür öz çıxışında rəhbəri olduğu dərnəyin tərkibinə tezliklə gənc, istedadlı imzaların cəlb olunacağını bildirib: "Ölkəmizin hər yerində olduğu kimi Salyanda da yaradıcılıqla məşğul olan kifayət qədər istedadlı gənclərimiz var. Bəzən səhlənkarlıq, bəzən də laqeydlik səbəbindən həmin insanların bir çoxu tanınmır, üzə çıxmır. Bizim məqsədimiz həmin istedadları Azərbaycan poeziyasına qazandırmaqdır.
Hər ay ən azı bir neçə tədbir keçirmək istəyirik. Həmin tədbirlərə rayonumuzun istedadlı qələm adamları ilə yanaşı digər rayon və şəhərlərdən tanınmış şairlər dəvət olunacaq. Həmçinin, irəliləyən aylarda yarışma xarakterli tədbirlər keçirmək fikrimiz var. İlin sonuna qədər isə dərnək üzvlərinin şeirlərindən ibarət antologiya çap olunacaq".
Dərnək rəhbəri ilin sonunadək üzvlərinin sayını ən azı 50-ə çatdırmaq istədiklərini bildirdi. Ümumilikdə dərnəyin hələ ki, üzvləri bunlardır:
Həsən Kür
Ramil Məmmədov
Etibar Qoca
Tofiq Əhməd
Ümid Sadə
Tural Xəlil
Rüfət Sabirli
Pərviz Əbil
Ümid Həsən
Həsən Naseh
Rahib Hüseyn
Ədalət Rəhimli
Ramil Əkbərov
Vüsal Əkbərov
Anar Qaçayev
Qeyd edək ki, dərnək üzvlərindən ən gəncinin 16, ən yaşlısının isə 34 yaşı var. Dərnəyin sosial media qrupu var və həmin qrupda həftənin 1-ci, 3-cü və 5-ci günləri şair Ümid Sadə tərəfindən əruz vəzni dərsi tədris olunacaq.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar