Xəbər lenti
Rahib Ümid:"Səcdədəyəm, dərk edirəm Mövlanı..."
...Uyğun gəlmir qafiyəyə sözlərim,
Dürdaneyi misram gedir əlimdən...
***
Xəzan vurdu gül bağçamı, bağımı,
Xarı bülbül, şeydam gedir əlimdən,
Kimsə görməz, köksümdəki dağımı,
O ilk eşqim, sevdam gedir əlimdən.
Rəssam baxıb, dağlar çəkdi dağımdan,
Qələm yonub şairlər eşq bağımdan,
Xəzan oldu eşqim gənclik çağımdan,
Tər çiçəyim, rənam gedir əlimdən.
Səcdədəyəm, dərk edirəm Mövlanı,
Axtarıram yaranışda.., mənanı,
Qarış-qarış gəzirəm mən səhranı,
Sərgərdanam, leylam gedir əlimdən.
Bir- bir köçür, dünyadan yoldaşlarım,
Atam, Anam, qohumum qardaşlarım,
Bir bulaq tək, süzülür göz yaşlarım,
Damla-damla, dəryam gedir əlimdən.
Qocalıram, hərdən əsir dizlərim,
Bir tor salıb, nigarandı gözlərim,
Uyğun gəlmir qafiyəyə sözlərim,
Dürdaneyi misram gedir əlimdən.
Aram aram indi nəfəs alıram,
Göz yumulur, xəyallara dalıram,
Istəmədən, anbaan, qocalıram,
Yavaş-yavaş dünyam gedir əlimdən.
Rahib Ümid
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Təqvim
| « Sentyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Sorğu
Portalımızı dəyərləndirin.
Çox oxunanlar