Xəbər lenti
Tural Turan: "Öldüyüm yeri də yazıq elədim..."
"...Hər gün üfüqlərdə doğan,
qızaran Turan kimiyəm!"
Manevr.az Tural Turanın yeni şeirlərini təqdim edir:
***
Burda yovşan-yovşan ölür qoxular,
Boynuna ip salır yalquzaq səsi...
Gözümdə can verir itkin yuxular,
Ağlayır arxamca öz uzaq səsim...
Öpdüm yanağından ağrılarımın,
Başımın altına yastıq elədim.
Asıldım qolundan sarğılarımın,
Öldüyüm yeri də yazıq elədim.
Hər səhər ovcumdan doğdu Günəş də,
Ovcumdan çəkildi içimin çəni!
Ruhumu yandırdı odsuz atəşdə,
Tanrı da ovcumdan oxşadı məni...
***
(Rüstəm Behrudiyə məktub)
Bax, bu yolun od qoxusu
içimdə yovşan bitirər...
Mənim dərəcəyim gülü
bircə ovuc qan bitirər.
...Yel qulağı cingildədən
uzaqda bir nal səsiyəm!
...Tanrının da, bəndənin də
getmə, burda qal - səsiyəm...
Mən öz alın yazımı
misra-misra yazmışam.
Son nəfəsin ağrısına
gülümsəyib dözmüşəm.
Həmşə tanrı gəzirdim,
itirdim öz izimi...
Bu gün örtdüm dünyanın,
örtdüm dua üzünü!
...Yıxılsan şimşək tutar,
tutar qolundan sənin.
Gəl öpüm eeey...göy üzü,
öpüm alnından sənin!..
Vallah, qəbrimin canı,
örpəkli bir dan kimiyəm!
...Hər gün üfüqlərdə doğan,
qızaran Turan kimiyəm!
Tural Turan
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
.jpg)
Yazarlar
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Sorğu
Portalımızı dəyərləndirin.
Çox oxunanlar