Xəbər lenti
Paşa Talıblı: "Məni qoymayın ölməyə..."
"...su verin bitsin göyərsin,
dəni qoymayın ölməyə..."
Manevr.az şair Paşa Talıblının yeni şeirlərini təqdim edir:
***
(" Mənə çox doğma insansan" dedin...)
Yenə əvvəlki salamlar,
əvvəlki hüzur, doğmalıq.
...adamı həsrətdən də çox
olur ki, üzür doğmalıq.
...ağ dəvə düzdə qalan tək
qılıncım qınımı kəsdi.
...doğmalıq kimi sözlərnən
sən axan qanımı kəsdin.
...necədi bir daşın min daş,
min daşın bir daş olmağı?..
...eh, yolunu öyrənirəm
sənə qardaş olmağın!
***
Zaman ötsün, vaxt yerisin,
günü qoymayın ölməyə.
...su verin bitsin göyərsin,
dəni qoymayın ölməyə.
...hər dərdi dərd eyləməyin,
ikini dörd eyləməyin.
...mərdi namərd eyləməyin,
yəni qoymayın ölməyə.
...ya pərdə ya sim olacam-
bir yüngül əsim olacam.
...mən sizə lazım olacam,
məni qoymayın ölməyə.
Paşa Talıblı (Dərviş Paşa)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar