Xəbər lenti
Xəyalə Sevil:"Analar qızıl payızı yanağına sərdilər..." -ŞEİR
*
Uçulmuş evinin çöl divarına
Böyük şəklini asdılar.
Qabağına gül qoydular,
Şəhid filankəs yazdılar.
Əvvəl hamı bir ağladı
Uca səslə:
Vətən! Vətən! - deyə-deyə,
Onda qoca,
Şanlı bayraq qalxdı göyə.
Onda hamı qürur duydu,
Qohum, qonşu, yoldan keçən,
Üçünəcək, beşinəcən,
Onunacan, qırxınacan...
Sonra hamı tək ağlanadı-
Ana, ata, bacı, qardaş!
Şəkil oldu, şəhid oldu
O qara daş.
İndi
Pəncərəmi açan kimi
Gülümsəyir divardan
Şəhid şəkli.
44 günlük döyüşə
Şahid şəkli.
Düşmənindən öc alan,
Torpağına güc alan.
Şəhid kimdir?
Şəhid
Torpaq altda xatirədir
"Mübaribədən qalan!"
*
Ora - döyüş meydanı!
Qanadlanıb uçurlar
Havadakı mərmilər.
Bütün rənglər qan qırmızı...
Analar qızıl payızı
Yanağına sərdilər...
Yenicədoğulmuş,
Sütül bir güllə
Çiçəklədi sinəsinin başında.
Torpağa can verib öldü,
Əsgər haqq savaşında.
Vətən sağ olsun! - dedi,
Oldu, Vətən sağ oldu...
Şəhidlərin can verdiyi torpaqlar
Böyüdü, böyüdü
QARABAĞ oldu!
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar