_99.jpg)
Xəbər lenti
Virusun intiharı -Hekayə
Koronavirus son günlər çox pərişan idi. Hara gedirdisə, özü haqqında yaxşı sözlər eşitmirdi. Qarğış, nifrət o qədər çox idi ki, yerindən tərpənmək istəmirdi daha. Başqaları kimi o da əbədi ömür sürməyəcəkdi. Dünyaya gələndə sevinmişdi. Kimlərinsə canını alacağı, xəstələndirəcəyi heç ağlına gəlməmişdi.
Gəlişini bəyan etmək üçün hara gəldi uçur, qonurdu. Mən də varam, aranıza qatılmaq istəyirəm,- deyə o biri viruslara xəbər verməyə başladı. Amma nə sirr idisə, viruslar onu görən kimi uzaqlaşmağa başladılar. O, bundan çox təəccübləndi və pərişan oldu. İnsanlara üz tutdu. Yaşamaq, çoxalmaq istəyirdi.
Amma, nələrsə tərs gedirdi. Hansı insana yaxınlaşırdısa, həmin adamın halı pisləşir, vəziyyəti ağırlaşırdı. Nəmli, hyəcanlı gözlər onu da kədərləndirdi. O heç kimə zərər vermək istəmirdi. Sadəcə, yaşamaq istəyirdi. Doğulduğuna peşiman olmuşdu. Ona ən çox təsir edən qaragözlü bir qızcığazın hıçqıra- hıçqıra, - ana ölmə, mən sənsiz neyniycəm, ana, - deməsi oldu.
Qızcığaza yaxınlaşıb başını sığallamaq istədi. Ancaq birdən yadına düşdü ki, ona da zərər verə bilər. Tez fikrindən daşındı. Özündən zəhləsi getdi. Qadının boğularaq, necə can verməsinin şahidi, nəinki şahidi, həm də səbəbkarı olmuşdu. Qızcığaza qoşulub hönkür- hönkür ağladı.
Baxdı ki, insanlar onunla mübarizə aparıb, onu öldürmək istəyirlər. Amma hələ ki, bacarmırlar. Çünki o insanları görürdü, onların səsindəki həyəcanı hiss edirdi. İnsanlarsa onu görə bilmirdi.
Çox düşündü. Anladı ki, ona heç yerdə rahatlıq yoxdur. Yarandığı gündən bir kimsənin üzünü güldürməmişdi.
Intihar etmək qərarına gəldi. Qalxdı, qalxdı. Buludlara çökdü. Yağış damlalarında torpağın altına gömüldü.
Nazilə Gültac, həkim-şair
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar