Xəbər lenti
"...bir azdan yenə diksinəcək skamyaların azadlığı"-Emil Rasimoğludan yeni şeir...
***
Qatar relsləri yenə çiçəkləyib bir quşun dimdiyində;
bir qadınsa hardasa təqvimdən özünü atır.
Yolunu kəsirəm bir balığın:
Eşidirsənmi?
Yuxuda gördüyüm şəhərdə
anam da qarımırdı
atam üçün hər səhər...
Paltarlarındakı göy üzü bəxtəvər idi,
əlimdən düşüb sınan güzgüdəki
saçları da
saçlarının fəsili də bəxtəvər...
Çünki qovuşmaq hamının yadından çıxmışdı.
Yuxuda gördüyüm şəhərdə
nə məbədlər ayaqyalın,
nə də
işıq dirəkləri piyada.
Qarşıma da çıxmadı heç
məni əlimdən tanıyan adam...
...Qarşıma da çıxmadı heç
payızın üstünə qaçan bir qapı.
Soruşdum, dedilər;
Axı burda
çətirlər kimsəsiz filimləri,
itlər günəşi tapıb...
Boylanıram bir pəncərəyə;
Yürüydəki körpə gözlərini açsa
dişlərim qanad çıxaracaq
Axı, evimizin içi qocalıb.
Bir azdan
evimizin içi uşaqlara tərəf dil açacaq...
...və unuduram yuxuda gördüyüm şəhəri
...axı bir azdan
yenə diksinəcək skamyaların azadlığı
və
yenə kimsə
xəbər gətirəcək
bir qocanın əsasına bir ana bətnindən.
Görürəm ki,
balıq qayıdır
Tanrının tərk etdiyi külqabılara tərəf...
Mənsə
hələ də bir qadının saçlarına ev tikirəm.
Emil Rasimoğlu
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Təqvim
| « Sentyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Sorğu
Portalımızı dəyərləndirin.
Çox oxunanlar