Xəbər lenti
Tural Turan:"Öldüm yuxunun ev üzündə..." -ŞEİRLƏR
...Ölüm qoxusu başqadı,
Özün də bir qoxla, tanrı...
Manevr.az Tural Turanın yeni şeirlərini təqdim edir:
***
Öldüm
yuxunun ev üzündə.
Bax,
can verir göy üzü də -
Düş,
nəbzini yoxla, tanrı.
Ölüm qoxusu başqadı,
Özün də bir qoxla, tanrı.
Duasından
yuxu damır.
Ölsə,
qaçar yuxu tamı.
Öldürmə
sonuncu adamı,
gəl,
yadigar saxla, tanrı.
...Kilsə tikdi
şəhər məni...
Günahlar
alnımdan öpər mənim.
İşıqlar itirər məni,
İtsəm soraqla, Tanrı...
***
Yiyəsiz bir evə vurulub külək,
bir qapı izi var biləklərində.
Kim bilir, bəlkə də bir gün, nə vaxtsa
qapısı döyülüb küləklərin də...
Qaşları mamırlı həmin qız evdə,
küləklə məktublaşır divar saatı...
İllərdi bu evdə yaz çiçəkləmir,
bu evin nəbzindən qopar, saatı...
...Vurulduğu evə gəlib bu külək.
Sevdiyi şəkili görməyə gəlib.
Kim bilir, kim bilir, elə bəlkə də
bu külək bu evdə ölməyə gəlib...
Tural Turan
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar