Xəbər lenti
"Hansısa kitabın ilk səhifəsində, çox vaxt oxunmayan ön söz olardım" - ŞEİRLƏR
Manevr.az gənc müəllif Əli Rüzgarın (Əli Paşa oğlu Sadiqov) şeirlərini təqdim edir:
Olardım
Allah razı olsa insandan əvvəl,
Gecəquşlarına mən göz olardım.
Hansısa insanın zəif nöqtəsi,
Nəfsinə tutduğu pəhriz olardım.
Baxma dayanmışam qul sırasında,
Yerim tanrıların xırxırasında.
Savaşsaydım varla yox arasında,
Bəlkə də ömürlük şərhsiz olardım.
Yaşaram insanın son nəfəsində,
Dustaq olmaqdansa quş qəfəsində.
Hansısa kitabın ilk səhifəsində,
Çox vaxt oxunmayan ön söz olardım.
***
Son bir ümid,
sıçra
Üzümə düşən yağış damlası.
İçimdən bir sən keçdi,
Yalvardım...
- nə olar
bircə
yolda qalmasın.
İçimdən bir sən keçdi,
Sıxdı gözqapaqlarımı.
Kirpiklərimi yığıram.
Damlalar ağ bulutlara,
Mən yollara ağıram.
Kim dedi ağladığımı,
Bəlkə sevgi yağıram.
Yandırar
Sönən eşqin atəşini,
Nə dua, nə köz yandirar.
İnsanı bir qığılcımlıq,
Zərrə boyda söz yandırar.
Taleyin öz gərəyində,
Sevdiklərin kürəyində.
Bircə kəlmə ürəyində,
Açar dərin iz, yandırar.
Bəlkə heç kəs dinməz, susar
Dərd adamı sındırmasa.
Yandırsa heç, yandırmasa
Tapar səni tez yandırar.
Yalan sevinc adlı zəhər,
Boğazını tutan qəhər,
Düz olarsan namərd təhər,
Namərd olsan düz yandırar.
Əli Rüzgar
Xəbəri paylaş
Çox oxunanlar
Son yüklənənlər
Axtarış
Reklam
Media
Kriminal
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar