Xəbər lenti
Tural Turan: "Öldük, qəbrə yıxılmadıq..."
Küləklərin əyni qalın.
İz çəkməli, bizsə yalın...
Qapısı döyülməyən yolun,
Dolanaq daşına, gedək.
Manevr.az Tural Turanın yeni şeirlərini təqdim edir:
Bu danda da ağarmadı...
Yaman ağarır, yaman
Lay-lay saçı zamanın.
Tanrı bizdən doydu daha,
Çəkilməz acı - zamanın...
Əqrəbləri düşdü xəstə,
Bel əyildi, qaldı bəstə.
Dura bilmir ayaq üstə,
Qalmayıb gücü zamanın.
Daşına döyülür adı,
Ölümlə yuyulur adı...
Bu danda da ağarmadı
Nəfəssiz sacı zamanın.
Qəbir çalan fitə qaldı;
Elə ötə-ötə qaldı...
Əqrəbsiz saata qaldı,
Qisası, öcü zamanın...
Öldük, qəbrə yıxılmadıq...
Ağ buludları şal elə,
Tez bağla başına, gedək.
Ömrümüzə bir yol elə,
Bu ömrün xoşuna gedək.
Küləklərin əyni qalın.
İz çəkməli, bizsə yalın...
Qapısı döyülməyən yolun,
Dolanaq daşına, gedək.
Dua olduq - baxılmadıq.
Öldük, qəbrə yıxılmadıq...
Medal olub taxılmadıq,
Dünyanın döşünə, gedək.
Tural Turan
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Kriminal
Şou-biznes
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar