Xəbər lenti
Afət Viləşsoy:"İndi sükut bürümüş o səs-küylü dəhlizi.."
"...İndi sükut bürümüş o səs-küylü dəhlizi,
Daha qaraltmır yolu, divarı təpik izi..."
Manevr.az Afət Viləşsoyun yeni şeirini təqdim edir:
İNSAN NECƏ DARIXAR
İnsan necə darıxar
Bir otaqdan ötəri,
Bir otaqda birbəbir insanlardan ötəri.
Düz 13 il hər səhər
"Salam, uşaqlar" deyib
Dərsə başlamaq üçün.
Hər gün çiçək üzlərdə bir də yaşamaq üçün.
İnsan necə darıxar, aman Allah, nə hismiş?
Zəngi gözləmək üçün vurnuxan dəcəl şagird,
Bufeti arzulayan yumruyanaq balaca,
Zəngdə də əl qaldıran o gözləri alaca...
İndi sükut bürümüş o səs-küylü dəhlizi,
Daha qaraltmır yolu, divarı təpik izi.
Daha xadimələrin gəlmir şikayətləri-
yemək yeyib partanın altında gizlədilən
yemək sellofanları..su qabı, daha nələr
Köçürmə vərəqləri, şparqalka kağızı.
Hər tənəffüs üstünə qaçıb qucaq açanlar,
bapbalaca fidanlar.
Hər dərs yenə, bir daha qucaqlayıb öpənlər.
Darıxmaq nə deməkmiş, darıxmaq nə deməkmiş?...
Afət Viləşsoy
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Yazarlar
Emil Rasimoğlu
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
Sorğu
Portalımızı dəyərləndirin.
Çox oxunanlar