Xəbər lenti
Ərşad Əzimzadə:"İqtidar - kor, müxalif - kar, kütlə də ki, dilsiz..."
"...Hey yazıram, hey pozuram, gedib gözümün qarası,
Kitaba da baxan yoxdu - sızlar qəlbimin yarası!.."
Manevr.az Ərşad Əzimzadənin günümüzlə səsləşən yeni şeirini təqdim edir:
TƏKLİK YAMAN SIXIR MƏNİ
Ağır dərdlə tək qalmışam dörd divarın arasında,
Qan yerinə kədər axır ürəyimin parasında.
İqtidar - kor, müxalif - kar, kütlə də ki, dilsiz qoyun,
Hər tərəfdə oyun gedir - ət ürpədən pinti oyun!..
Söz deməyə bir kişi yox, qəlb açmağa yox bir qadın,
Kompüterlə danışıram, o da bilmir sözün dadın.
Onca metr torpağım yox gül-çiçəyə qulluq edəm,
Məni qanan bir kəs tapmam - darıxanda ora gedəm.
Hey yazıram, hey pozuram, gedib gözümün qarası,
Kitaba da baxan yoxdu - sızlar qəlbimin yarası!..
Cahillərin gözü qalıb bu millətin parasında,
Pul-parasız tək qalmışam cahillərin arasında.
Daha dözmür dərdli ürək - yaman dərddi təklik dərdi,
Ən dəhşətli virusdan da təklik dərdi min betərdi.
Təklik yaman sıxır məni, çürüyürəm diri-diri,
Tənhalığın nəfəsindən sönəcəyəm günün biri.
Ərşad Əzimzadə
13.03.2020
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar