_99.jpg)
Xəbər lenti
Nizami Gəncəvi ilə bağlı məsələdə günahı özümüzdə aramalıyıq - Deputat
Dahi Azərbaycan şairi Nizami Gəncəviyə münasibətdə bizi nigaran qoyan mövqelər səngimirsə, günahı ilk növbədə özümüzdə aramalıyıq.
Manevr.az xəbər verir ki, bunu millət vəkili, akademik Rafael Hüseynov dahi Azərbaycan şairi Nizami Gəncəvinin bəzi müəlliflər, o cümlədən, ABŞ dövlət katibi Maykl Pompeo tərəfindən fars şairi kimi təqdim edilməsi cəhdlərinə münasibətini bildirərkən deyib.
O, qeyd edib ki, Nizami Gəncəvi Azərbaycan xalqının iftixar qaynaqlarındandır.
“Əbədi vüqar və zövq daşıyıcılarımıza əlbəttə ki, həmişə ikiqat, üçqat həssaslıqla yanaşmalıyıq.
Nizamiyə münasibətdə bizi nigaran qoyan mövqelər səngimirsə, günahı ilk növbədə özümüzdə aramalıyıq.
Şəxsən mən bir ədəbiyyatçı, söz adamı olaraq ən əvvəl özümü suçlu sayıram.
Demək, az yazmışam, az demişəm, Azərbaycan sərhədlərindən kənarlarda Azərbaycan şairi Nizamini yetərincə və lazımi səviyyədə təqdim etməmişəm ki, belə istənilməz hallar ortaya çıxır.
Ona görə də mən özümü də, digər səriştəsi, imkanı, gücü çatanları da bu müqəddəs qoruyuculuq səmtində müdam səfərbər olmağa dəvət edirəm.
ABŞ dövlət katibinə rəsmən məktub yazıb göndərdim və ümid edirəm ki, cavab da alacağam...”, - deyə, akademik sözlərinə əlavə edib./oxu.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar