Xəbər lenti
İbrahim Yusifoğlunun 70 illiyinə həsr olunmuş kitab işıq üzü görüb
Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun “Ədəbiyyatşünaslıq plyus” Yaradıcılıq Birliyinin əməkdaşı, Azərbaycan Yazıçılar Birliyinin və Azərbaycan Jurnalistlər Birliyinin üzvü, Prezident təqaüdçüsü İbrahim Yusifoğlunun 70 illiyinə həsr olunmuş “Ömür dastanının boyları” kitabı işıq üzü görüb.
Manevr.az xəbər verir ki, kitab Ədəbiyyat İnstitutunun Elmi Şurasının 11 may 2024-cü il tarixli 3 saylı qərarı ilə nəşr edilib. AMEA-nın prezidenti, akademik İsa Həbibbəylinin “İbrahim Yusifoğlunun poetik dünyası və uğurları” məqaləsində yubliyarın yaradıcılıq fəaliyyətinə geniş şərh verilib. Kitabın elmi redaktoru filologiya elmləri doktoru, professor Vüqar Əhməddir. Rəyçiləri filologiya elmləri doktoru, professor Akif İmanlı, filologiya elmləri doktoru, AMEA-nın professoru Salidə Şərifova, naşiri isə Qəşəm İsabəylidir. 434 səhifəlik kitab “Şirvannəşr” nəşriyyatında çap olunub. Kitabda “Qızıl qələm” media mükafatı laureatı, Azərbaycan Respublikasının Qabaqcıl Təhsil işçisi Yusifov İbrahim Yusif oğlunun 70 illik yubileyi münasibətilə yazılan məqalə və şeirlər yer alıb. Topluda İbrahim Yusifoğlunun nəzm, nəsr, publisistika nümunələri, mənzum nağıl və pyesləri haqqında hərtərəfli təhlillər aparılmış, yubliyara ithaf edilmiş poetik nümunələrə yer verilmişdir. Kitab 70 yaşlı şairin “Gəlib çatdım yetmiş yaşa” şeiri ilə başlayır. Kitabın üz qabığının arxa tərəfində Vaqif Məmmədovun “Səni kövrəldəcək kədər qalmadı” sərlövhəli şeiri yer alıb.
Gülnar Səma Nizami Gəncəvi adına Ədəbiyyat İnstitutu,
İctimaiyyətlə əlaqələr şöbəsi
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar