.png)
Xəbər lenti
Dolur otağıma küləklə, sislə, üz-üzə dayanıb payız mənimlə - Zaur Əskərovun şeirləri
Manevr.az Zaur Əskərovun payız ovqatlı şeirlərini təqdim edir:Üzü payıza
Könlümdə bir bahar yaşılı qalıb,
Hələ də könlümdə göyərir budaq.
Könlümdə göy çəmən işığı qalıb,
Kimdir bəs qapımı döyən bu qonaq?
Köz-köz tüstülənir odum, ocağım,
Bir yaz zümzüməsi göynər dodaqda.
Necə üz çevirim, bahardan keçim?
Ömür göyərtmişəm mən ki o çağda!
Dolur otağıma küləklə, sislə,
Üz-üzə dayanıb payız mənimlə.
- İndi ha könlündə bənövşə bəslə! -
Danışır bir-iki ağız mənimlə...
Deyirəm: - Bir aman! Bahardan içim...
Qalıb göy tumurcuq gözü yumulu...
Əynimə don biçir payız, bir biçim,
Ayağım geyinir gurşad çamuru.
Başımın üstündə qızılı çətir,
Döşənib yoluma xəzəl xalısı.
Deyir: - Karvanını gəl yola gətir!
Bax, söyüd saçında payız xınası...
Qaralan buludlar gecə qatarı,
Sozalıb günəşin od püskürtüsü.
Bu payız taleyin hökmü, vadarı,
Bu yağış göylərin qəlb hönkürtüsü.
Üst-başım payızdır, çağım da payız,
Alnıma payıın izi düşübdür.
Aranım payızdır, dağım da payız,
Payızın könlümə gözü düşübdür.
Payız, içimdəki bahara dəymə,
Bir də o bahardan gələn ki deyil.
Payız, gəl özünü beləcə öymə,
Könül var, saralıb-solan ki deyil.
Taleyim nə desin vaxtın əmrinə?
Üzümdə payızdan xəzəllik qalar.
Yüz xəzan yetişə payız ömrümə,
Könlümdə bir bahar gözəllik qalar.
Könlümdə baharla üzü payıza,
Gedirəm, bu çağın içindən keçib.
Könlümə yaxın gəl, boylan avaza,
Duyğular bir bahar bulağı içib.
Həsrət
Həsrət
gözlərin baxa-baxa
əllərinin yetə bilmədiyi,
yolları dolanan baxışlarının
üzünə gülmədiyi,
taleyinin
qəlbindən axan göz yaşlarını silmədiyi
həyatdır,
için-için kədəri oxşayırsan...
Həsrət
sevginin ölmədiyi
nicatdır,
özündə yaşadırsan...
Doğulmuşam
Bir ocağam, odum bəlli,
Yanar közdən doğulmuşam.
Ruhum bəlli, adım bəlli,
Anam sözdən doğulmuşam.
Söz könlümün dərgahıdır,
Söz min əhdin pənahıdır.
Söz yolumun sabahıdır,
Mən bir izdən doğulmuşam.
Nəfəsimdə özüm varam,
Öz səsimdə özüm varam.
Öz içimdə özüm varam,
Mən o özdən doğulmuşam.
Zaur Əskərov
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar