_99.jpg)
Xəbər lenti
Eldar İsmayıloğlu: "Soyunur səhraları daha qadın bədəni..."
Eldar İsmayıloğlu***
...bir dəniz quruyub bulud olmağa,
bir qadın saçından oyanmağa,
tək bir Allah üçün darıxmağa,
sonunda gözümdən qaçmağa
tələsdim.
Bir ömür qaraldı, ovuldum,
boğuldum, əl uzatdı qanadsızlar...
Sevindim balıqların
harayına...
Pəncərəmi açdım ki,
yağışlar tənhalığımın əlindən tutub,
ovutsunlar
şəkillərdə düşməyən gözlərimi...
Bir dəniz quruyub bulud
olmağa...
***
... ən uca bildiyin sükut da
sərxoş dodaqlardan qopur,
soyunur səhraları daha qadın bədəni,
boylanır ən ucuz ölümlərdən.
Adam darısqallığından sevir hər şeyi...
Minbər qapıları təki örtüldükcə içinə
mən də sənin təki tökülürəm torpağa, Tanrı,
bir yerdə çürüyürük, biləsən...
Kölgəmdəki payız da intiqam alır ayaqlarımdan...
Bağışla, qadın,
çiçəklər kəpənəkləri ovutmaq üçün gülür,
hardasa ucuz ölüm şəklini çəkdirməkçün
dar ağacından asır özünü,
səngər göyərdilən evlərdə isə
yollar çəkib aparır adamın işığını...
Quşların qanadlarına qırmızı bağlayın ki
güllələr günəşi özüylə apara bilməsin...
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar