Sizin Reklam Burada
Xəbər lenti
15-07-2024
14-07-2024
BÜTÜN XƏBƏRLƏR

"Ömürlük məhkumsan xəyallarıma" - Ülviyyə Əbülfəzqızı

Tarix: 15-09-2023 20:48     Baxış: 4444 A- / A+
Ülviyyə Əbülfəzqızı
       


QORXUTMAZ MƏNİ
               
Gözlərin qəlbimi çəkərkən dara, 
Sanma ki, lal dilim sənə yalvara.
Susub dözəcəyəm hər ağrılara,
Ayrılıq cəlladsa, qorxutmaz məni.

Yalan kilidinə aşiq açarlar,
Haqqın qapısından qorxub qaçarlar.
İlanlar sevərək zəhər saçarlar,
Zəhərin canımda qorxutmaz məni.

Yoxluğun tələsir əcəl çağıra,
Əcəl də qapımda gəlib bağıra.
"Çıx çölə"- söyləyə, mənə çığıra,
Sənsizlik sonumsa, qorxutmaz məni.

Ayrılıq bir atəş, külə döndərib,
Ruhumu tüstütək göyə göndərib.
Külümü göydən də yerə əndərib,
Tez, tələs, səpələ, qorxutmaz məni!

                             
Xəyal adlı dünyada var olmaqdır yaşamaq

Unutmaq üçün çabalamaq,
unutduğunu düşünüb
unutmamaqdır unutmaq.
Gözünə həkk olmuş simanı silməyə cəhd,
gözünə cəza vermək- acı suda acımadan
boğmaqdır xatırlamaq.
Xoşbəxt obraza dönüb
həqiqət misrasında matəm çadrasına bürünməkdir,
yas tutmaq.
Dilində qəzəblə " Kimdir o? " söyləyib
qəlbində əzizləməkdir,
dəlicəsinə bağlanmaq.
Zamanını, ömrünü acizcəsinə
fəda etməkdir,
Ağlını azdırıb onun varlığına sarılmaqdır,
fədakar olmaq.
Bəxtinin ayaqlarına düşüb,
Onu qaytarmaq üçün əsl fəryaddır,
məzlumtək yalvarmaq.
Nədir? Nədir axı quru nəfəs almaq?
Ruhunu ondan ayrı vücud adlı məngənədə
sıxmaqdır yaşamaq.
Ondan uzaq xəyal dünyasında -" zülm səltənətində"
yaşamaqdır var olmaq!




Vallah, Kainatın qulağı batar

 Ömürlük məhkumsan xəyallarıma,
 Halımdan razıyam gileylənmirəm.
 Qəlbimdə tikanlı kollar kimisən,
 Ağrılar səbəbi, mən ki dinmirəm.

 Bir ömür dustağam mən bu sevgiyə,
 Deyirlər məhbuslar küsər həyatdan.
 Daş üşüyər deyə, saran yosunam,
 Bu yosun çıxarmı, söylə heç yaddan?

 Gündüz xəyalımsan, gecə röyamsan, 
 Mahir ovsunkarsan, mən anlamıram.
 Necə başarırsan, bütün bunları?
 Sən Allah, incimə, yox danlamıram.

 Əl atsam, əllərim səmanı oxşar,
 Xəyalın da ürkək özünə bənzər.
 Bəzən də utanıb qaçıb gizlənər,
 Bəzən də sevgisin özündən gizlər.

Dilinin daş yükün mən boşaldaram,
Dönərək bülbülə o, cəh-cəh vurar.
Sevgimdən tikərəm uca sarayı,
Qəlbin də sarayda   hökmdar olar.

Soyunub daş donu çırpınar ürək,
Dilin də lallığın daşını atar.
Elə qışqırarsan bu Kainata,
Vallah, Kainatın qulağı batar!

                         

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    İyul 2024    »
BeÇaÇCaCŞB
1234567
891011121314
15161718192021
22232425262728
293031 
Sorğu


Portalımızı dəyərləndirin.



Çox oxunanlar