Xəbər lenti
"İçib xumarlanan vəzifəpərəst, badəni qaldırdı rüşvət eşqinə"
Zaur Ərmuğan
RÜBAİLƏR
Vəzifə hərisi olan bir nəfər
Rüşvət meydanında çalmışdı zəfər.
Bir gün gedər oldu vəzifəsindən,
Elə bil məzara eylədi səfər.
***
Vəzifə dalınca qaçırdı bir kəs,
Çirkli pullar ilə alırdı nəfəs.
Cinayət başında yaxalandı o,
İndi yeri olmuş qaranlıq qəfəs.
***
Biri söz söylədi qüdrət eşqinə,
Biri nəğmə dedi zəhmət eşqinə.
İçib xumarlanan vəzifəpərəst
Badəni qaldırdı rüşvət eşqinə.
***
Sən öz içindəki nəfsini öldür,
Demə, dünya fani, ömür beş gündür.
Yaxşı əməllərlə əbədi ol sən,
Sən şeytan nəfsini tapdala, söndür.
***
Nəcib şəxs yanında saxla dilini,
Ona ehtiramla uzat əlini.
Ağzına nə gəldi, danışsan əgər,
Sən rüsvay edərsən bütün elini.
***
Birinin əlinə keçdi xeyli pul,
Hərəni özünə eylədi tez qul.
Bir gün var-dövləti çıxdı əlindən,
İndi öz qisməti olub köhnə çul.
***
Nəcib arzuların şöləsi sönmür,
Haqq sevən öz doğru yolundan dönmür.
Dedilər: - Yaxşılıq nədir bəs? Dedim:
-Varlığı əməldir, yaşayır, ölmür!
***
Dünyanın sirrini aça bilən yox,
Bu sirrin sehrindən qaça bilən yox.
İnsanı günəşə bənzədir çoxu,
Fəqət gün kimi nur saça bilən hox.
2015
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar