.png)
Tədbirin əvvəlində Qarabağ savaşlarında canını qurban vermiş bütün şəhidlərimizin müqəddəs ruhu bir dəqiqəlik sükutla yad edildi. Sükutdan sonra dövlət himni səsləndirildi. Tədbiri Liseyin rəisi polkovnik Rəşad İbrahimov giriş sözü ilə açdı.
Daha sonra tədbirin plan-ssenarisi elan edildi. Tədbirin planı elan olunduqdan sonra kitabın müəllifi Səhər Manafova rəhbəri olduğu layihənin məqsəd və qayəsi haqqında danışdı. Qeyd etdi ki “Qax şəhidləri” kitabı179 nəfər qaxlı qəhrəmanın həyat və döyüş yolu haqqında yazılan tarixdir. Müəllif gələcəkdə layihənin məramına uyğun olaraq başqa bölgələrdən olan şəhidlərimizin həyat və döyüş yolunu qələmə alacağını bildirdi.
Daha sonra Azərbaycanın ən gənc Milli Qəhrəmanı olan Cavanşir Rəhimovun anası Lalə xanıma söz verildi. Lalə xanım bütün şəhid analarının adından çıxış edərək bildirdi ki, oğul itirən anaların yeganə təsəllisi Qarabağın azadlığıdır.” Şəhidin anası olmaq çox agır və şərəflidir. Lakin bizim oğullarımız bu yolu seçiblərsə, biz də onların adına layiq olaraq şərəflə bu adı daşımalıyıq”. Lalə xanım qeyd etdi ki, Ali Baş Komanda İlham Əliyevin uzaqgörən siyasəti və sarsılmaz Milli Ordumuz bizə daha parlaq və azad gələcək vəd edir.
Tədbiridə iştirak edən millət vəkili Müşfik Məmmədli öz çıxışında vətəinin bütövlüyü ,Qarabağın azadlığı uğrunda canından keçən qəhrəman oğullarımızın fədakarlığından soz acdı. Ali Baş Komandanın dəmir yumruq siyasətinin əslində xalq, dövlət və ordu həmrəyliyinin ən bariz nümunəsi olduğunu bildirdi.
Natiq 30 illik işğal tariximiz 44 gündə ədalətin işiq üzü gördüyü səhifələrlərlə əvəz olunduğunu qeyd edərək şəhidlərimizin ruhlarının azad , firavan Qarabağ səmasında dolaşdıqlarını söylədi. Eyni zamanda tədbirin əhəmiyyətindən danışdı. O, qeyd etdi ki, şanlı Qarabağ müharibəsindən və şəhidlərimizdən bəhs edən kitablar geniş şəkildə təbliğ olunmalıdır. Bu gələcək nəsli güclü vətənpərvərlik ruhunda tərbiyə etməyin ən əhəmiyyətli üsuludur.
Daha sonra söz Şuşa fatehi adı ilə xalq arasında tanınan qəhrəmanımız şəhid Asəf Ağayevin atası Abid Ağayev çıxış etdi. O, oğlunun təhsil aldığı bu liseylə bağlı olan xatirələrində söz açdı. Asəf kimi oğul ilə fəxr etdiyini söylədi.
Tədbirdə iştirak edən digər şəhid analarına söz verildi. Tədbirdə çıxış edən hər kəs bu səpkidə olan tədbirlərin maarifləndirici əhəmiyyətindən, şəhidlərin xatirəsinin yaşadılması üşün atılan ən uğurlu addımlardan olduğu fikrini səsləndirdi. Tədbirin sonunda göstərdikləri təşkilatı dəstəyə görə C.Naxçıvanski adına hərbi liseyin rəhbərliyi- liseyin rəisi polkovnik Rəşad İbrahimov və İdeoloji İş və Mənəvi-Psixoloji Təminat şöbəsinin rəisi Vüsal Sevxanov “Vətən Tarixinin Qəhrəmanları” layihəsinn rəhbəri Səhər Manafova və Qaxın şəhid anaları tərəfindən fəxri diplomlarla təltif olundular. Fəxri diplomları Şəhid –Milli Qəhrəman Cavanşir Rəhimovun anasl Lalə xanım təqdim etdi.
Tədbirdə iştirak edən Bakı Şəhər İcra hakimiyyətinin departament rəisinin müavini, Azərbaycan Əfqanıstan veteranları ictimai birliyinin sədr müavini Əkrəm Hətəmov, millət vəkili Vüqar iskəndərov tədbrdən sonra şəhid ailələri ilə yaxından tanış olaraq onları narahat edən suallara cavab verdilər.
Həzi Aslanov adına “Ordu” İdeoloji və Mədəniyyət Mərkəzinin yaradıcı kollektivinin konserti ilə tədbir yekunlaşdı. Sonda tədbir iştirakçılarına müəllif tərəfindən kitab hədiyyə olundu və xatirə şəkilləri çəkildi.
