Könlünün yolçusu, könül yolçusu, dəyərli, gözəl insan, istedadlı şair, tərcüməçi, publisist Şahməmməd Dağlaroğlunu başda Manevr.az saytı olmaqla, könül yolçuları adından 66 yaşı münasibətiylə ürəkdən təbrik edirik. Can sağlığı, işində, fəaliyyətində uğurlar arzu edirik.
Onun Özbəkistanda çap olunacaq, “Azərbaycandan Özbəkistana könül yolçuluğu” kitabında yer alan şeirlərini təqdim
edirik.

Nazilə Gültac
şair, həkim.
”Könül yolçuluğu” layihəsinin Azərbaycan rəhbəri.

Şahməmməd Nurulla oğlu Soltanov 1956-cı ildə Azərbaycanın İsmayıllı rayonunda anadan olub. Ali təhsilli iqtisadçı-mühəndisdir. 8 şeir kitabının müəllifi, şair-tərcüməçi, Azərbaycan Yazıçılar Birliyi və Azərbaycan Jurnalistlər Birliyinin üzvüdür. Ş.Soltanov “İsmayıllı xəbərləri” qəzetinin baş redaktorudur. İsmayıllı bələdiyyəsinin sədr müavini vəzifəsində çalışır.

Şahməmməd DAĞLAROĞLU
***

МЕНИНГ ҲАМ ЎЗ ДУНЁМ

"У дунё, бу дунёнинг суҳбатлари бор,
Менинг ҳам ўз дунём..." уч" бўлдику, бу!
" Менинг, менинг"- дея ардоқлаяпмиз,
Охири кўрганимиз пуч бўлдику, бу...

Шуҳратга, очкўзга қул бўлмас киши,
Илонни ўлдирмас заҳарли тиши,
Баҳоси жоним қадар кўрганим ишни,
Мен савоб билардим, суч* бўлдику, бу...

Коинот борлиқдир, биз бормиз дея,
Инсон ўз уйида меҳмонмиш нега?
Жисмим ерда қолар, руҳ учар кўкка,
"Йиғил, кел" бўлмади, "уч" бўлдику,бу...

*суч-гуноҳ

ОЧИҚ МАКТУБ

Сенга мактуб ёзганимга жуда кўп бўлди,
Юбора олмагандим ёт қўли тегар.
Эҳ, сендан бошқаси ўқиса уни,
Мени бола дейди, ё девона дер.

Қайноқ, анъанавий "Салом" ерига,
"Ўпаман!" деб ёздим биринчи сўзда.
"Қандайсан" юзимни кўрмоқ истасанг,
"Юрагим!?" кўзгудир, кўр мени кўзда!

"Бу қисқа мактубни" битмас азоб бил,
"Кўз ёшимла ёздим" не фойдаси бор?
"Холимни сўрама", вақт ўтиб кетди,
"Бобоман...", - кўз кўрмайди, бошга ёққан қор.

"Эҳтимол бахтлисан" - орзум бу эди,
"Бошқа истагим йўқ", сен борсан, шодман.
"Асра менли бўлган хотираларни",
"Ва бу мактубни...", севимли одам!

Ватаннинг тупроғи бир ҳовучга кўпайди

Сен дунёлар ичра, бир дунё эдинг,
Кетдинг, бу дунёнинг ўзаги кетди.
Гўзал нима бўлса қўшилиб сенга,
Тоғимнинг, тузимнинг безаги кетди.

Юзи қора бўлсин, қора хабарнинг,
Ўлиминг дард бўлди қора тошга ҳам,
Биз ҳам ер юзининг меҳмонларимиз,
Тангрининг ишидир сўзи яшатган.

Дафнингга келганди сўз одамлари,
Қарашлар, туришлар лол, савол бўлди.
Қабрингнинг тупроғи гўзал Буйнузнинг,
Гулдор яноғида қора хол бўлди.

Ватаннинг тупроғи ортди бир ҳовуч,
Мозоринг абадий бир зиёратгоҳ.
"Дунёнинг энг бахтли одамисанки",
Яқин ҳамсуҳбатинг бўлгайдир Аллоҳ.

2783 нафар...

Душман таслим бўлгунча - 44 тун-у, кун ўтди,
Ишонди қудратига акопларни даф этди.
Ўлимнинг шарпасидан чўчимади тик кетди,
Она Ватан йўлида кўкси қалқон,мард аскар,
2783 нафар...

Бундан куч-қувват олди оталарнинг ғурури,
Устун бўлди қуёшдан она қалбининг нури.
Бунча юксала олмас машҳурларнинг машҳури,
Юракларда жойингиз, сизсиз ғолиб, музаффар,
2783 нафар...

Сизга тиргак бўлганди ярали қардошингиз,
Жон берганда кулдингиз, оқмади кўз ёшингиз,
Бошини баланд тутди ёрингиз, йўлдошингиз,
Йўлингиз мангликкадир, бу не муборак сафар,
2783 нафар...

Бу халқнинг хадди бордир, Сизлар ила фаҳр этар,
Номингиз байроқ бўлиб озод, юртда юксалар.
Ваъдалар унутилмас ўтса ҳамки, минг йиллар,
Юрти учун жон берган ўлмас ўғил, жон қадар,

2783 нафар...

Боғбон бўлсам, боғимда бу сайда гул экардим,
Ўғлим, боламдир дея нозингизни чекардим.
Жондан кечгани учун, мен ҳам жондан кечардим,
Бир қўшин тузар эдим, орзулари мунаввар,
2783 нафар...

Элнинг оғир кунида ўғил додга еткайдир,
Қонингиз томган тупроқ - жондан ширин, Ватандир.
Тарих абадий қолар, замон келиб, кетгайдир,
Сиз билан ғурурланар, ғолиб Саркарда, Раҳбар ,
2783 нафар...

Яша, Қорабоғнинг юраги Шуша! Гўзал Шуша, сен озодсан!
Илҳом Алиев

Тотдик бу сўзларнинг ширин таъмини,
Ўпиб қучоқладик дўсту, қардошни,
Ҳис этдик фикрлар чуқурлигини,
Тўҳтата олмадик кўздаги ёшни.

Булбуллар сайрайди яна Шушада,
Тоғу тошлар тинглайди Азон сасини,
Кузнинг шамоллари келтирар сокин,
Қондош болаларнинг гул нафасини.

Қаддини тиклайди, ташланди қалъа,
Атрофида янграйди мақом садоси,
Чўлнинг гул-чечаги айланар болга,
Арийди қалблардан йиллар азоби.

Очар хари-булбул* кенг далаларда,
Келган меҳмонларга эшик очарсан,
Бўлар тўй-маърака кундузларингдан,
Янги тонгларингга нуринг сочарсан.

Бу юртнинг музаффар саркардаси бор,
Энди тупроғига кўз тикмас ёғий,
Сенга қовушмоқла очилди йўллар,
Оҳиста нафас ол, Ватан тупроғи.

Абадий бўлади бу озодлигинг,
Ғалаба куйланар сенг-ла, ҳамиша.
Бизга ғурур берар сенинг шодлигинг,
Яша, Қорабоғнинг юраги Шуша!

*хари-булбул - Шушада ўсадиган

КЕТАМИЗ ҚОРАБОҚҚА

Бугун фаҳр куни, ғурур кунидир,
Келган сас - курашчи шаҳид унидир
Ўралиб уч рангли, шонли байроққа,
Бутун ҳасратлилар турсин оёққа,
Кетамиз Қорабоққа!

Қўмондон амрида миллат оёқда,
Биз Ҳаққа содиқмиз, биз билан Ҳақ да.
Суртиб юзимизни қояга, тоққа,
Ҳай бериб ҳасратдан жимган тупроққа
Кетамиз Қорабоққа!

У ердан келган ёш, бугун кексадир,
Номимиз, шаънимиз бугун кўкдадир.
Ғайратли ўғиллар кетди ўлимга,
Тўкиб ол қонини ўралди оққа,
Кетамиз Қорабоққ

Мотам ғурурида, шаҳид отаси,
Бардош-ла қабул этди элнинг азасин,
Қўрқув йўқ устига ўқлар ёғилар,
Мақсад - Ғалабадир, юриш чин ҳакка,
Кетамиз Қорабоққ

Унда раҳбаримиз, Қўмондон турар,
Юраклар, ҳам муштлар бирликда урар.
Қувватсиз қўшинни енгади, бўғар,
Шукур, етишдик биз бундай бир чоққа,
Кетамиз Қорабоққа!

Бугун фаҳр куни, ғурур кунидир,
Келган сас - курашчи шаҳид унидир.
Ўралиб уч рангли, шонли байроққа,
Бутун ҳасратлилар турсин оёққа,
Кетамиз Қорабоққа!

Tərcümə edən: Gulzira Şarıpova