.png)
Xəbər lenti
İllərlə AYB rəhbərliyinin yol verdiyi qayda pozuntuları
Azərbaycan Yazıçılar Birliyi yarandığı gündən üzü bəri adıçəkilən qurumun on iki qurultayı keçirilib. Bunlardan səkkizi sovet dövrünə, biri müstəqillik ərəfəsinə, son üçü isə müstəqillik dövrünə təsadüf edib. Bu öz yerində...
Ancaq hal-hazırda əlimdə olan faktlara və ictimaiyyətə təqdim edilən AYB nizamnaməsinə əsasən deyə bilərəm ki, müstəqillik dönəmində Yazıçılar Birliyinin rəhbərliyi keçirilən qurultaylarda dəfələrlə nizamnamə qaydalarını açıq-aşkar pozub.
Belə ki, Azərbaycan Yazıçılar Birliyinin Nizamnaməsinin “Rəhbər orqanlar və onların səlahiyyətləri” bölməsində yazılır:
“Azərbaycan yazıçılarının qurultayı açıq səsvermə ilə və səs çoxluğu ilə Azərbaycan Yazıçılar Birliyinin sədrini, sədrin təqdimatı ilə birinci katib və katiblərini (beş il olmaqla iki müddətdən artıq seçilə bilməz) seçir”.
Öncə onu deyim ki, elə məhz bu səbəbdəndir ki, qurultay keçirilmədiyinə görə 2014-cü ilin sentyabr ayından AYB-nin Yaradıcılıq məsələləri üzrə katiblik vəzifəsini İlqar Fəhmi icra edir. Qeyd edim ki, İlqar Fəhmi illərdir ki, katib yox, katib əvəzidir.
Gələk, qayda pozuntularına...Nizamnamə qaydalarına baxmayaraq ancaq Çingiz Abdullayev 1991-ci ildən (4 çağırış) katibdir. Fikrət Qoca isə (məkanı uca olsun!) 1998-ci ildən 3 çağırış katib olub.
Göründüyü kimi Çingiz Abdullayevin və Fikrət Qocanın 2 çağırışı “adlaması” açıq-aydın nizamnamə qaydalarına ziddir. Bu ziddiyətin yaranmasının isə başlıca səbəbkarı şübhəsiz ki, Anar olub.
Amma ziddiyətlər bununla da bitmir...Hələ burada digər bir pozuntu da müxtəlif zamanlarda katiblərin qurultayda seçki yolu ilə seçilməsi yox, birbaşa Anar tərəfindən təyin edilməsidir. Hətta bu faktı bir müddət öncə mənimlə ("Yeni Müsavat"ın efirində) debatda AYB rəsmisi Elçin Hüseynbəyli də vurğuladı.
Onu da qeyd edim ki, əldə olunan faktlar hətta AYB-nin elektron arxivində də var. Bu hallar AYB nizamnaməsinə görə bu günkü reallıqlarıdır.
Emil Rasimoğlu
Azərbaycan Yazıçılar Birliyinin XIII Qurultayına namizəd
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Yazarlar
Emil Rasimoğlu
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Sorğu
Portalımızı dəyərləndirin.
Çox oxunanlar