_99.jpg)
Xəbər lenti
Mən səni sevəndə ömrüm yaz idi - Fərid Muradzadə
Fərid Muradzadə
***
Mən səni sevəndə ömrüm yaz idi,
Yox idi illərin boranı, qarı.
Özümü hamıdan güclü sanardım,
Deyərdim yıxaram uca dağları.
Mən səni sevəndə ömrüm yaz idi
Hər şey bahar ətri yaz qoxusuydu,
Ruhuma, cismimə hopan qoxular,
Şirin, təravətli qız qoxusuydu.
Mən səni sevəndə ömrüm yaz idi,
Tumurcuq arzular gül açmamışdı.
O vaxt qəm-qüssədən çox uzaq idim,
O vaxt dərd sinəmdə dil açmamışdı.
Mən səni sevəndə ömrüm yaz idi,
İlləri küləklər aparmamışdı.
Həsrətin, hicranın qara əlləri,
Əlini əlimdən qoparmamışdı.
Mən səni sevəndə ömrüm yaz idi,
Araya tikanlar çəkilməmişdi.
Bütün sevgiləri ikiyə bölən,
Ayrılıq telləri hörülməmişdi.
Mən səni sevəndə ömrüm yaz idi…
Fərid Muradzadə
25.05.2022
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar