Xəbər lenti
Afət Viləşsoyla Faiq Hüseynbəyli deyişdi: "Ürəyimi söz kimi, əllərində bük saxla"
SAXLA
Ürəyimi söz kimi,
Əllərində bük saxla.
Ürəyimdə eşq yükü -
Bir az da sən yük yaxla.
Günəşindir bu baca,
Ömür sirli bulmaca...
Balacanı balaca,
Böyüyü böyük saxla.
Bu şad daşı, şən daşı,
Mənə yetişən daşı,
Başıma düşən daşı,
Ətəyinə tök saxla.
Çıxıb dünya qəmindən,
Üzün gülsün sənin də.
Saçlarımın dənindən,
Torpağına ək saxla.
Qərar ver hər gününə,
Axşam-səhər gününə -
Sözü məşhər gününə,
Tənha saxla, tək saxla.
Keçdi neçə el məndən,
Ömür məndən, il məndən.
Ətək səndən, əl məndən,
Əlimə ətək saxla.
Demirəm, yan Faiqə,
Bu ruh, bu can Faiqə.
Bir az inan Faiqə,
Bir azca da şəkk saxla.
Faiq Hüseynbəyli
***
SAXLA
(Faiq Hüseynbəyliyə cavab)
Günah-savab var, atla,
Buxovları, qır, atla,
Məni məndən arıtla,
Əlində ələk saxla.
Ömür varkən yaşa, gəz,
Yazı satma qışa, gəz,
Özün mənlə qoşa gəz,
Məni mənlə tək saxla.
Saçıma dən düşəndə,
Könlümə sən düşəndə,
Üzüm əldən düşəndə,
Gözündə qəşəng saxla.
Afət Viləşsoy
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar