_99.jpg)
Xəbər lenti
Yazarlarla görüş hamıya sevinc bəxş etdi
Mingəçevir şəhər Mərkəzləşdirilmiş Kitabxana Sistemləri rəhbərliyinin təşkilatçılığı ilə Molla Pənah Vaqif adına Mərkəzi Kitabxananın iclas zalında Azərbaycan Yazıçılar Birliyi Mingəçevir bölməsinin bir qrup şair və yazıçısı ilə görüş keçirilib.Tədbirin aparıcısı, M.P.Vaqif adına Mərkəzi Kitabxananın oxuculara xidmət şöbəsinin böyük kitabxanaçısı Sevda Quliyeva görüşə qatılan qələm sahiblərinin ədəbi yaradıcılıqları barədə müfəssəl şəkildə məlumat vermiş, xeyli sayda oxucuların da iştirak etdiyi görüşün böyük önəm kəsb etdiyini vurğulamışdır.
AYB-nin Mingəçevir bölməsinin sədri, şair-publisist İsmayıl İmanzadə rəhbərlik etdiyi yaradıcılıq təşkilatının xəttiylə son iki ildən bəri düzənlənən tədbirlərdən, yazar həmkarlarının, o cümlədən istedadlı ədəbi gəncliyin ən yaxşı əsərlərinin təbliğində və qəzet-jurnallarda dərc edilməsi yönümündə görülən işlərdən söz açmışdır. Bölmə rəhbəri Xurşidbanu Natəvanın anadan olmasının 190 illiyi münasibəti ilə hazırlıq işlərinin getdiyini, yubiley gecəsindən öncə keçiriləcək “X.B.Natəvanın qəzəllərinin ən yaxşı qiraətçisi” müsabiqəsində məktəblilərin də fəal iştirak edəcəklərini qeyd edərək, çıxışının sonunda iki şeirini oxudu.
Əmək veteranı, keçmiş mədəniyyət işçisi Ağagül Əliyev ötən əsrin 60-80-ci illərində rəhbərlik etdiyi ansamblın uğurlarından, tanınmış bir xanəndə kimi şəhər sakinlərinə göstərdiyi mədəni xidmətdən söz açmaqla, şəhərin ədəbi aləminin formalaşmasında AYB Mingəşevir bölməsinin böyük pay sahibi olduğunu da diqqətə çatdırdı.
Şəhərin yaxılığında yerləşən Yevlax rayonu Salahlı kənd orta məktəbinin bir qrup məktəblisi 44 günlük II Qarabağ Müharibəsində şəhid və qazi olan ərənlərin xalqımıza bəxş etdikləri Zəfər sevimcini vəsf edən şeirlər söyləyəməklə tədbir iştirakçılarının alqışlarına layiq görüldülər.
Sonra yazarlardan Bəsti Bərdəli, Əşrəf Əsgərov, Eyyub Cabbaroğlu, Mehman Rəsulov, Bəhman Gülövşəli, Rəşid Rəsulov və ədəbiyyat həvəskarı Mahir Musa oxuduqları yazıları ilə hamını məmnun etməyə nail oldular.
Mingəçevir şəhər MKS-nin kitab işləmə və komplektləşdirmə şöbəsinin kitabxanaçısı Mətanət Cəfərova tədbirə qatılan həmkarlarının və oxucuların adından yazarlara uğurlar arzulamaqla, belə önəmli görüşlərin davamlı olaraq keçirilməsinin vacib olduğunu qeyd etdi.
Hamıya sevinc hissi və unudulmaz anlar bəxş edən tədbirin sonunda yazarlar görüş iştirakçıları ilə xatirə şəkilləri çəkdirdilər...
AZƏRBAYCAN YAZIÇILAR BİRLİYİNİN MİNGƏÇEVİR BÖLMƏSİ
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar