Bu gün Ermənistanın yeni seçilən prezidenti Vaaqn Xaçaturyanın andiçmə mərasimi keçirilib.
Manevr.az axar.az-a istinadla xəbər verir ki, Ermənistanın ikinci və üçüncü prezidentləri Robert Köçəryan və Serj Sərkisyan mərasimə qatılmaqdan imtina edib. Birinci və dördüncü prezidentlər – Levon Ter-Petrosyan və Armen Sərkisyanın isə tədbirdə iştirakı ilə bağlı hər hansı məlumat yoxdur.
Qeyd edək ki, V.Xaçaturyan 3 martda parlamentdə keçirilən təkrar seçkilərdə prezident seçilib. Hakim Mülki Müqavilə fraksiyasının namizədi olan Xaçaturyanın seçkisini Köçəryan və Sərkisyanın fraksiyaları boykot edib.
