Dünyanın ən çox qorunan binasına girən toyuq gündəm oldu - ŞƏKİL

Dünyanın ən yüksək təhlükəsizlik yeri olan ABŞ Müdafiə Nazirliyinin (Pentaqon) binasındakı bir əraziyə girən toyuq ortalığı qarışdırıb. 
Toyuğun təhlükəsiz zonada gəzdiyi görüldükdən sonra Arlinqton Heyvanların Mühafizəsi Dərnəyinin əməkdaşları əraziyə çağırılıb. Nazirlik rəsmiləri səlahiyyətlilərə məlumat verdikdən sonra toyuq tutulub. 
"Bu toyuq Pentaqonun təhlükəsizlik zonasında gəzərkən tutulub (zarafat etmirik), məmurlarımızı toyuğu götürməyə çağırdılar", - məmurların açıqlamasında deyilir.
“Henny Penny” adlı toyuqun fotosu sosial şəbəkədə sürətlə yayılıb. Qısa müddətdə gündəm olan toyuq aparıcı Cimmi Fallonun "The Tonight Show" verilişində də müzakirə edilib.
Toyuqun haradan gəldiyi və Pentaqona necə daxil olduğu məlum deyil.ölkə.az