Rəsmi İrəvanla Qarabağdakı separatçl-terrorçu rejim arasında qarşıdurma davam edir.

Manevr.az publika.az-a istinadən xəbər verir ki, bu barədə “Hraparak” nəşri yazıb.
Nəşr qeyd edir ki, Nikol Paşinyanın ötən ilin sonunda “Qarabağın statusu Azərbaycan Konstitusiyası ilə həllini tapmalıdır” açıqlamasından sonra başlanan qarşıdurma səngiməyib.
“Papikyanın (müdafiə naziri - red.) toyunda iştirak etmək üçün İrəvana gələn Araik Arutyunyan hökumətin dünənki iclasında iştirak edib. Hökumətin qərarına görə 2022-ci ildə Ermənistan Qarabağdakı rejimə 144 milyard dram dəstək verəcək. Ötən illə müqayisədə bu rəqəm 100 milyard dram artıb. Bu qərarı hökumət üzvləri çaşqınlıqla qarşılayıb. Onlar bildirirdilər ki, Paşinyan komanda üzvlərinə deyib ki, “mən müharibədən sonra Qarabağa xeyli yardım göndərmişəm, lakin bu yardımların böyük hissəsi Araik və yaxın qohumlarının cibinə axıb. İndi maliyyə yardımını kəsə bilmirəm, çünki deyəcəklər ki, bu onlara qarşı siyasi təqibdir”, - nəşr yazır və qeyd edir ki, gərginlik getdikcə artmaqdadır.