Yerə təhlükəli asteroid yaxınlaşır

Kritik təhlükəli "Apofis" asteroidi 2029-cu ildə Yerə yaxınlaşır.
Bu barədə Rusiya Fövqəladə Hallar Nazirliyinin Mülki Müdafiə və Fövqəladə Hallar məsələləri üzrə Ümumrusiya Elmi-Tədqiqat İnstitutu məlumat yayıb.
Tədqiqatçıların proqnozlarına görə, diametri təxminən 400 metr, çəkisi 30 tondan çox olan asteroidin maksimum yaxınlaşma anı aprelin 13-nə təsadüf edəcək:
"Yaxınlaşma sürəti saniyədə 7,42 kilometr olacaq. Kosmik cisminin Yer səthi ilə toqquşması zamanı ayrılan enerji 1717 meqaton təşkil edəcək. Düşdüyü yerdən 10 kilometr radiusda baş verəcək zəlzələnin gücü Rixter şkalası üzrə 6,5 bal, küləyin sürəti saniyədə ən azı 790 metr olacaq. Asteroid toqquşmasının 1961-ci ildə ən güclü Sovet termonüvə bombasının partlamasından 30 dəfə güclü partlayışa səbəb ola bilər".qaynarinfo