“Əgər yükdaşımaları haqqında düşünürsünüzsə onda İcevan-Qazax dəmir yolunu işə salın” - Şarmazanov

“Ermənistan Türkiyə ilə münasibətlərini düzəltməyə uduzmuş, təslim olmuş və laqeydliyə uğramış vəziyyətdə hazırlaşır”.
Bu fikirləri Ermənistanın Respublikaçılar Partiyasının mətbuat katibi Eduard Şarmazanov səsləndirib:
“Deyirlər ki, nəqliyyat kommunikasiyalarının blokdan çıxarılması bizə uyğundur. Onlar coğrafiyanı bilən insanları həyasızcasına ələ salırlar. Deyirlər ki, Meğri-Horadiz dəmir yolu bizi Rusiya ilə birləşdirəcək. Xəritəyə baxın. İrəvandan Meğriyə qədər neçə kilometr yol var? Meğridən-Horadizə və Horadizdən Bakıya neçə kilometr məsafə var? Əgər yükdaşımaları haqqında düşünürsünüzsə, o zaman İcevan-Qazax dəmir yolunu işə salın. Bu 200 milyon dolları niyə Ermənistanın vergi ödəyicilərinə yükləyirsiniz? Türk arzusunu yerinə yetirmək üçün? Meğri-Horadiz hansı dəmir yoludur? Meğri-Horadiz yolu ilə Moskvaya getmək? Yaxud İrana bu yolla gedəcəyik deyirlər. Sizdən Gorus-Qafan yolunu türklərə verməyi kim xahiş edib ki, indi biz Azərbaycandan keçərək İrana gedək” – Şarmazanov fikirlərini tamamlayıb./konkret.az