.png)
Xəbər lenti
Saqatelyan: "Gizli razılaşmalar Ermənistanı yeni kaputilyasiyaya gətirib çıxara bilər" - Video
Ermənistanda hakimiyyət dəyişməsə, gizli, şifahi razılaşmaların olması dağılmaya, yeni itkilərə və yeni təslim olmağa gətirib çıxaracaq.
Manevr.az erməni mətbuatına istinadən xəbər verir ki, bunu bu gün jurnalistlərə müsahibəsində “Ermənistan” blokundan parlamentin vitse-spikeri İşxan Saqatelyan deyib. O, Ermənistan və Azərbaycan başçılarının görüşlərindən yaxşı heç nə gözləmədiyini izah edib. Əliyevin (Azərbaycan prezidenti - red.) Laçında gömrük məntəqəsi yaratmağa hazır olması barədə bəyanatı, onun fikrincə, risklər ehtiva edir və buna cavab olaraq sosial şəbəkələrdə yalnız bir yazı var (Ermənistanın baş naziri Paşinyan - red.).
Saqatelyan hazırda Sünik bölgəsində müşahidə olunan proseslərin Ermənistanın Tavuş bölgəsində başlaya biləcəyini istisna etməyib.
“Ermənistan hakimiyyəti daim hər şeyi təkzib etsə də, biz Türkiyədən müsbət irəliləyişlər barədə siqnallar eşidirik. Bunun fonunda Ermənistan tarixinin ən uğursuz diplomatı olan türkofil (Jirayr Liparityanı nəzərdə tutur – red.) hakim partiyadan olan deputatlarla görüş keçirir. Onlara nə öyrədir? O, görüşdən bir gün əvvəl Qarabağın statusunun müzakirəsinin risklərlə dolu olduğunu bildirib. Bunu onlarla müzakirə etdimi? Liparityan agentdir, uca fiqurdur. Cəmi 15 gün əvvəl "Şuşi" yaxınlığında bir mülki şəxs güllələnib və o deyir ki, Azərbaycan və Türkiyədən heç bir təhlükə yoxdur”, - deyə vitse-spiker əlavə edib.
Qondarma soyqırım iddiasından əl çəkməyən hər bir şovinist erməni kimi İ.Saqatelyan da bu ifadəni dilinə almaqdan utanmayıb.
O qeyd edib ki, Ermənistan hakimiyyətinin də eyni siyasətinin təzahürü, "erməni soyqırımı" günü Xarici İşlər Nazirliyinin Türkiyəni belə qınamamasıdır.
“Düşmən qarşısında baş əyən hakimiyyət Ermənistanın maraqları naminə danışıqlar apara bilməz. Onlara məhbuslar haqqında deyiləndə inkar edirlər, lakin geri qayıtmalarını özlərinə aid edirlər. Sərhədlərin kəskinləşməsi zamanı hakimiyyət ruslara istinad edir və eyni zamanda şifahi razılaşma ilə əraziləri təhvil verir, sonra isə təkzib edir. Onlar istər hərbi əsir məsələsindən, istərsə də Qarabağdan əlimizi üzməyə doğru aparırlar”, - deyə parlamentin vitse-spikeri yekunlaşdırıb.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar