Şri-Lankada dünyanın ən böyüyü olduğu bildirilən korund mavi sapfir tapılıb.
Manevr.az "qafqazinfo"-ya istinadən xəbər verir ki, tapılan sapfirin çəkisi 310 kiloqramdır.
Sapfiri tədqiq edən yerli gemoloqlar çəkisinə görə onun dünyanın ən nadir daşlarından biri olduğunu bildiriblər. Almazdan sonra ən sərt təbii maddədir.
Təxminən 3 ay əvvəl Ratnapura şəhərində aşkar edilən mavi sapfirin təsadüfən tapıldığı bildirilib.
Beynəlxalq təşkilatlar qiymətli daşı hələ təsdiq etməyiblər.
Ratnapura sapfir və digər qiymətli daşların aparıcı ixracatçısı olan Cənubi Asiya ölkəsinin zərgərlik paytaxtı kimi tanınır.
Yerli zərgərlik sənayesi qurumu bildirib ki, ölkə keçən il zərgərlik, brilyant və digər zərgərlik məmulatları ixracından təxminən yarım milyard dollar gəlir əldə edib.