.png)
Xəbər lenti
Qorbaçovun saxtakarlığı: SSRİ-nin sonuncu baş katibi bioqrafiyasında nələri gizlədib?
SSRİ-nin ilk və son prezidenti Mixail Qorbaçov uğurlu partiya karyerası naminə tərcümeyi-halının bəzi faktlarını bilərəkdən gizlədib və ya təhrif edib.
Manevr.az xəbər verir ki, bu barədə “Rus yeddiliyi” tarixçilərə istinadən məlumat yayıb.Sov.İKP-yə daxil olarkən gələcək baş katib valideynlərinin fəhlə olduğunu iddia edib. Ancaq əslində, Qorbaçov ailəsinin üzvləri kolxozda işləyirdilər, özü isə irsən kəndli idi.
Partiya isə proletariata üstünlük verirdi. Buna görə də raykomun əməkdaşları gənc oğlana anket doldurarkən bir az yalan danışmağı məsləhət görürlər. Yalanların isə nisbi olduğu ortaya çıxır: Mixail Sergeyeviçin atası kolxozda yox, sovxozda – dövlət müəssisəsində kombaynçı olub. Daha sonra Sergey Qorbaçov MTS-də (Maşın-Traktor Stansiyası) işləməyə keçib və kəndli köklərini birdəfəlik qırıb.
Mixail Qorbaçovun partiya yoldaşlarından gizlətdiyi ikinci məqam repressiyaya məruz qalan qohumlar məsələsidır. Baş katib bunu “Optimist olaraq qalıram” adlı memuarlarında etiraf edib: onun babası Panteley Qopalko mühakimə olunmayıb, lakin trotskizm şübhəsi ilə bir neçə ay həbsdə yatıb. Digər baba – Andrey Qorbaçov isə kənd təsərrüfatı işləri planını yerinə yetirməməkdə ittiham edilərək iki il müddətinə sürgünə göndərilib. Gələcək partiya liderinin anketdəki çətin suala necə cavab verməsi müəmma olaraq qalıb, lakin o, belə bir ailə tarixçəsi ilə partiya nərdivanını çətin ki qalxa biləydi.
“Kremldə mübarizə: Andropovdan Qorbaçova qədər” kitabının müəllifləri iddia edir ki, mübahisəli tarixi personanın tərcümeyi-halındakı üçüncü qaranlıq ləkə onun iş stajı ilə bağlıdır.
“...Qorbaçov anketdə qeyd edib ki, o, məktəbi bitirdikdən sonra iki il kombaynçı köməkçisi işləyib. Ancaq Mixail Qorbaçov əslində oxuduğu müddətdə işləyib”, - deyə kitabda bildirilir.
Anketdəki yalan Privolnenin almanlar tərəfindən işğalı nəticəsində tədrisdə iki illik fasilə yaranması məsələsini də aradan qaldırıb. Şübhəsiz ki, əgər Qorbaçov həqiqəti yazsaydı, yeniyetmənin işğal olunmuş ərazidə nə etdiyi ilə bağlı uzun suallar yaranardı”, - deyə jurnalistlər tarixçilərə istinad edərək qeyd edirlər./teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar