Avropanın iki super gücü qarşı-qarşıya: Gərginlik açıq müstəviyə keçdi - ŞOK TƏHDİD

İngiltərə ilə Fransa arasında gərginlik artır. Fransalı nazirin dünənki hədələyici bəyanatları İngiltərə hökumətini qəzəbləndirib.
İngiltərə Xarici işlər naziri Liz Truss Fransa səfiri Katerina Kolonnanı nazirliyə çağıraraq ölkəsinin Avropa üzrə dövlət katibi Vendy Mortonun İngiltərə əleyhinə təhdidlərinə görə izahat tələb edib.
Manevr.az xəbər verir ki, nazir Fransanın əsassız təhdidlərini pisləyib.
Fransanın Avropa Birliyi işləri üzrə dövlət naziri Klement Bon isə verdiyi açıqlamada İngiltərə hökumətinin davam edən balıqçı problemi ilə bağlı yalnız “güc dili”ni anladığını və ingilis gəmilərinin ölkənin limanlarına girişin mümkün olmayacağını bildirib.
Fransa hökumətinin sözçüsü Qabriel Attal da, davam edən balıqçı problemi səbəbindən İngiltərəyə qarşı 2 noyabr tarixindən etibarən cavab tədbirləri görəcəklərini açıqlayıb.
2021-ci ildə balıq ovu kvotalarının müəyyən edilməsi ilə bağlı AB və Böyük Britaniya arasında aparılan danışıqlarda konsensus əldə edilib, amma xüsusilə fransız balıqçılar müəyyən olunmuş ərazilərdə fəaliyyət göstərə bilməyiblər. Cersi adasının yerli administrasiyası öz ərazi sularında balıq tutmağa davam etmək istəyən Fransanın balıqçı gəmilərindən keçmiş fəaliyyətlərinə dair hesabat təqdim etmələrini istəyib. Bu, İngiltərə və Fransa arasında gərginliyə səbəb olub./teleqraf.com