Qız və oğlan uşaqlarına vaksin fərqli dozalarda vurulmalıdır - ARAŞDIRMA

İngiltərə və Norveçin də aralarında olduğu bir çox ölkə ekspertləri uşaqlara bir doza vaksin vurulmasını tövsiyə edir.
Xarici KİV-i xəbər verir ki, peyvəndlərin nadir hallarda ürək iltihabına səbəb olduğunu deyən mütəxəssislər bu əlavə təsirin oğlan uşaqlarında daha tez rast gəlindiyini bildirir. Onlar hesab edir ki, məhz bu səbəbdən qız və oğlan uşaqlarına koronavirusa qarşı vaksin fərqli dozalarda vurulmalıdır.

ABŞ-da aparılan araşdırmalar göstərir ki, 12-17 yaş aralığında vaksinasiya olunan hər milyon oğlan uşağından maksimum 70-də miokardit əmələ gəldiyi üzə çıxıb. Yəni hər milyon dozanın 0.007%-də bu ehtimal var.
Aparılan araşdırmalar nadir hallarda rast gəlinən bu əlavə təs irin daha çox ikinci dozadan sonra ortaya çıxdığını göstərir.
“The New England Journal of Medicine”də yayımlanan analizdə İsraildə vaksinasiyadan sonra ürək iltihabının 16-29 yaş arasındakı kişilərdə daha çox rastlandığı bildirilib. Bu yaş aralığındakı 100 000 kişidən təxminən 11-də vaksinasiyadan sonra bu hala rast gəlinib.
Qeyd edək ki, İngiltərə, Norveç və bir sıra ölkələrdə uşaqlara bir doza “Pfizer-Biontech” vaksininin vurulması tövsiyə edilib. İsveç və Danimarkada isə uşaqlara bir doza “Moderna” peyvəndi vurulacaq.ölkə.az