Xəbər lenti
Polkovnik-leytenant: "Yanğının kəndlərə keçməsinin qarşısı alınıb"
"Azərbaycan yanğınsöndürənlərinin fədakar əməyi sayəsində Muğlanın Köycegiz ilçəsinin Çövelli kəndində yanğının kəndlərə keçməsinin qarşısı alınıb".
Manevr.az-ın məlumatına görə, bu sözləri apa-ya açıqlamasında Fövqəladə Hallar Nazirliyinin (FHN) Dövlət Yanğından Mühafizə Xidmətinin Sabunçu Yanğından Mühafizə Hissəsinin rəisi, polkovnik-leytenant Rəşad Bayramov deyib.
O bildirib ki, ötən gecə axşam saatlarında gələn məlumat əsasında Çogenli və Çövellli kəndində yerləşən meşə massivində yanğınlara cəlb olunublar: “Rəhbərlik tərəfindən verilən müvafiq göstərişlərdən sonra 30 maşınla bu əraziyə gəldik. Gördüyünüz bu sahədə üç istiqamətdə yanğın avtomobilləri yerləşdirilib. Yanğınsöndürənlərimiz bu ərazidə açıq alovla qarşılaşdı. Xüsusi ilə ən təhlükəli ərazi bizim dayandığımız məntəqə idi. Coğrafi mövqeyinə görə çətin olan bu relyefdə alovun qarşıdakı kəndlərə keçmə təhlükəsi var idi. Bu səbəbdən çətin relyefə baxmayaraq bizim yanğınsöndürənlərimiz xilasedici kəndirlərlə başda mən olmaqla bu əraziyə endik. Alovun söndürülməsində 7 həlledici yanğın lülələrindən istifadə olunub. Yanğın lülələri vasitəsi ilə gecə saat 10 radələrindən səhər saat 5 radələrinədək biz yanğının söndürülməsinə nail olduq".
Polkovnik-leytenant qeyd edib ki, hazırda yanğının soyudulması işləri aparılır: "Bildiyiniz kimi yanğının yayılmasında əsas meyar küləyin olmasıdır. Bir neçə gündür ki, bu ərazilərdə güclü küləklər əsir".
R.Bayramov onu da vurğulayıb ki, Azərbaycan yanğınsöndürənləri ölkəmizdəki dağlarda belə əməliyyatlar apardıqları üçün bu tip yanğınların söndürülməsində böyük təcrübəyə malikdirlər.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar