Xəbər lenti
Gürcüstanda bayraqlar endirilib
Bu gün Rusiya ilə Gürcüstan arasında 2008-ci ilin avqust ayında baş vermiş müharibədən 13 il ötür.
Avqustun 8-də başlamış müharibə ən yeni tarixə “Beş günlük müharibə” və “Avqust müharibəsi” kimi daxil olub.
Hərbi əməliyyatlar zamanı Gürcüstanın 170-i hərbçi, 14-ü hüquq-mühafizə orqanlarının əməkdaşı, 224-ü isə dinc sakin olmaqla, 408 nəfər vətəndaşı həlak olub, 2 232 nəfər yaralanıb, 26 min nəfər qaçqın vəziyyətinə düşüb.
Bu gün müharibədə həlak olanların xatirəsinə ehtiram əlaməti olaraq Grücüstanın prezident sarayı, hökumət administrasiyası, parlament binası, digər dövlət idarələrində və diplomatik nümayəndəliklərdə bayraqlar endirilib.
Beş günlük müharibədən sonra Moskvanın həmin ilin avqustun 26-da Abxaziya və Cənubi Osetiya bölgələrinin müstəqilliyini tanıyıb. Buna cavab olaraq rəsmi Tbilisi Moskva ilə diplomatik əlaqələri kəsib və hər iki bölgəni işğal olunmuş ərazilər elan edib.
Gürcüstanın Xarici İşlər Nazirliyi müharibənin növbəti ildönümü ilə bağlı yaydığı bəyanatda Rusiyanı 12 avqust 2008-ci il tarixli atəşkəsin elan olunması barədə razılaşmaya dair öhdəlikləri yerinə yetirməyə, işğalçı qüvvələri Gürcüstan ərazisindən çıxarmağa və işğal olunmuş ərazilərin “müstəqillik”lərinin tanınması barədə qanunsuz qərarı ləğv etməyə çağırıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar