.png)
Xəbər lenti
Türkmənistanda qəribə islahat - Agsaqqallar deputat olacaqlar?
Türkmənistandakı “Ağsaqqallar şurası” parlamentdən ali ola bilər. Bunu hələ fevralın 17-də keçirilən andiçmə mərasimində prezident Qurbanqulı Berdıməhəmmədov bəyan edib.
Bu o deməkdir ki, 70 yaşdan yuxarı olan ağsaqqalların birləşdiyi şura hakimiyyətin rəsmi qanunverici qanadı olacaq.
Türkmənistan 1991-ci ildə müstəqillik qazandıqdan sonra parlamentin səlahiyyətləri artıq ikinci dəfədir ki, azaldılır.
Bundan əvvəl, birinci prezident Saparmurad Niyazovun dövründə yaradılan Xalq şurasına (“Xalq məsləhəti”) dövlət məmurları, dövlət qulluqçuları, biznesmenlər, hətta ictimai və digər təşkilatların nümayəndələri daxil idi.
Bu qurum vaxtilə, məsələn, Niyazova ömürlük prezidentlik statusu verilməsini təklif etmişdi və 1999-cu il dekabrın 28-də xalqın təkidi ilə Niyazov bununla, nəhayət ki, razılaşmışdı.
2002-ci ilin noyabrında Niyazova sui-qəsd cəhdi xəbərindən sonra prezident parlamentə yox, məhz “Xalq şurası”na lazımi tədbirlər görülməsini tapşırdı və bundan sonra keçmiş xarici işlər naziri Boris Şıxmuradov bunun əsas təşkilatçısı kimi həbs edildi.
Amma indiki prezident Berdıməhəmmədov 2008-ci ilin sentyabrında ölkə konstitusiyasını dəyişdikdən sonra “Xalq şurası” ləğv edildi və onun səlahiyyətləri parlament və icra hakimiyyəti arasında bölüşdürüldü.
Bundan sonra peyda olan “Ağsaqqallar şurası” da indi eyni yolla gedir. Şura ötən ilin sentyabrında yeni konstitusiya düzəlişləri təklif elədi. Söhbət prezidentlik yaşının 70-ə, prezidentlik müddətininsə 5 ildən 7 ilə qaldırılmasından gedir.
Şura həmçinin ölkə vətəndaşlarına pulsuz elektrik enerjisi, qaz və su verilməsi ilə bağlı dövlət subsudiyalarının ləğvini təklif elədi. Eyni zamanda, 2011-ci ildə prezident Berdıməhəmmədova xalq qəhrəmanı adı verilməsinə səs verdi və onun idarəçiliyini “yerdə cənnət” adlandırdı.
Türkmənistandakı “Ağsaqqallar şurası”nın üzvlərini yerli hakimiyyətlər seçir.
Şuranın iclasında 600 ağsaqqal iştirak edir - ölkədəki 5 vilayətin hər biri və paytaxt Aşqabaddan 100 nəfər.
Hələlik “Ağsaqqallar şurası”na ali qanunvericilik orqanı statusu verilməsi yalnız təklifdir.
Amma “Azadlıq” radiosunun Türkmənistan xidməti yazır ki, bunu prezident Qurbangulı Berdıməhəmmədovun təklif etdiyindən indiki parlament demək olar ki, günlərini sayır.(virtualorg)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar