Xəbər lenti
"Toyota" və "Honda" bu ölkədə avtomobil istehsalını dayandırır
Yaponiyanın avtomobil istehsalı sahəsində tanınmış “Toyota” və “Honda” şirkətləri koronavrusa görə tətbiq edilən məhdudiyyətlərlə əlaqədar Malayziyada istehsalı və satışı dayandırmaq barədə qərar qəbul ediblər.
“Nikkei” qəzeti xəbər verir ki, Malayziya hökumətinin tələbinə uyğun olaraq, həmin şirkətlərin zavodlarında işçilərin cəmi 10 faizi qalıb ki, bu da istehsalı davam etdirməyə imkan vermir. Bildirilir ki, “Toyota” şirkətinin Malayziyanın Selanqor ştatında iki zavodu var. “Honda” şirkətinin də bu ölkədə motosiklet və avtomobil istehsal edən iki müəssisəsi mövcuddur.
Qeyd edək ki, iyunun 1-dən Malayziyada koronovirus pandemiyası fonunda ən ağır sosial-iqtisadi məhdudiyyətlər tətbiq edilib. Baş nazir Muhiddin Yassin tərəfindən elan edilən ciddi tədbirlər ölkənin bütün ərazisində iyunun 14-dək davam edəcək. Vəziyyət yaxşılaşacağı təqdirdə bu məhdudiyyətlərin mərhələlərlə aradan qaldırılması nəzərdə tutulur.
Bildirək ki, Malayziyada mayda yoluxmaların sayı kəskin artıb. Ötən həftə növbəti antirekord qeydə alınıb – sutka ərzində 9 mindən çox yoluxma. Mütəxəssislər bunu ölkə ərazisinə virusun sürətlə yayılması ilə seçilən Hindistan ştammının daxil olması ilə əlaqələndirirlər./publika.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar