Xəbər lenti
“Qarabağ məsələsi bu sənədlə bağlanacaq” – Sensasion iddia
“Ermənistan hakimiyyəti siyasi nəticələrdən qorxduğu üçün reallığı cəmiyyətdən gizlətməyə çalışır”.
Manevr.az xəbər verir ki, bunu erməni politoloq Qrant Mikaelyan Zəngəzurdan keçən Gorus-David-Bek (Zeyvə) yolu ilə bağlı əldə edilmiş razılaşmaları şərh edərkən deyib.
“Məsələ Azərbaycanla Rusiya arasındakı müqavilələrə aiddirsə, məlum olur ki, Bakı müqavilələr barədə məlumatlandırılır, lakin Ermənistan vətəndaşlarından gizli saxlanılır. Bütün müqavilələr Azərbaycan və Türkiyənin birbaşa hərbi təzyiqi altında imzalandı və Ermənistan hakimiyyəti təhdidi təsirsiz hala gətirmək üçün müttəfiqlərlə normal işləməyə belə cəhd göstərmədi”, - Mikaelyan qeyd edib.
Onun fikrincə, Baş nazir Nikol Paşinyanın hər şeyi gizli saxlamaq istəyi, erməni cəmiyyətinin və siyasi qüvvələrin bu sənədlərə etiraz edə bilməməsinə gətirib çıxarır: “Rəhbərlik Azərbaycanın birbaşa təzyiqi altında və konstitusiyanı pozaraq Ermənistanın ərazi bütövlüyü məsələsini həll edir”.
Mikaelyanın nöqteyi-nəzərindən, Ermənistanla Azərbaycan arasında başqa bir memorandumun imzalanmasına hazırlıq gedir: “Ermənistanın Azərbaycanın ərazi bütövlüyünü tanıması, bununla da Qarabağ məsələsini bağlaması istisna deyil, bu səbəbdən də ayıq olmaq lazımdır”.
Ekspert Ermənistanın ictimai-siyasi həyatındakı mənzərəyə də diqqət çəkib: “Unutmayaq ki, hələ də ölkəmizdə hərbi vəziyyət qüvvədədir, baxmayaraq ki, üç aydır hərbi əməliyyatlar olmasa da, dəyişən heç nə yoxdur. Hərbi vəziyyətin təsiri mövcud hökumətin qorunmasına xidmət edir”.
Xarici işlər naziri Ara Ayvazyanın Zəngəzurla bağlı razılaşmalardan xəbərdar olmadığı barədə açıqlamasını şərh edən politoloq son vaxtlar Ermənistanda heç kimin heç bir şey bilmədiyini, prezidentin hər şeyi mediadan öyrəndiyini, hökumət üzvlərinin faktiki təsdiqlənmiş məlumatları təkzib etdiyini vurğulayıb.
Bundan əvvəl Baş nazirin müavini Tiqran Avinyan parlamentdəki iclas zamanı Ermənistanla Azərbaycan arasında ayrıca sənədlərin imzalanmadığını bildirmişdi. Eyni zamanda, onun sözlərinə görə, əvvəllər verilmiş açıqlamalara və təqdim olunmuş sənədlərə əlavə olaraq Gorus-Zeyvə yolu ilə bağlı başqa bir razılaşma var, çünki yol mübahisəli ərazilərdən keçir./teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar