Pis idarəetmə üzündən Qarabağı və Ermənistan ərazilərinin bir hissəsini itirdik. Xalq Qarabağı satanları lənətləyir. Amma cəmiyyətin çox kiçik bir hissəsi mübarizə aparır".

Manevr.az xəbər verir ki, bu barədə Ermənistanın "Yerevan Today" nəşri yazıb. Müəllifi daha çox narahat edən odur ki, ölkədə Nikol Paşinyanın da tərəfdarları çoxdur: "Nikola haqq qazandıranlar da çoxdur, deyirlər ki, Qarabağ bizim nəyimizə lazımdır."

Nəşr daha sonra ölkənin bugünkü iqtisadi durumu və gələcəyi barədə yazıb: "Düşdüyümüz sosial vəziyyəti qətiyyən sevmirik. Ölkə iqtisadi çöküş, defolt və aclıq ərəfəsindədir. Günahkar bizim hakimiyyətimizdir.

Pul yoxdur, büdcə icra edilməyib. Ancaq buna baxmayaraq, bu insanlar normal bir həyat yaşamaq üçün daha çox xərcləməyə öyrəşiblər. İndi yaşamaq üçün borca girməlidirlər. Kredit imkanları da tükənib. 2,5 il ərzində əhali artıq iki milyard dollar kredit götürüb.

Sabah xəstəxanaya da daha çox ödəyəcəksiniz, mağazaya çox ödəyəcəksiniz. Hökumət qərar verdi ki, büdcə kəsirini bağlamalısınız, əlavə dəyər vergisini artıracaqlar. Səhiyyə və təhsildə böyük inflyasiya olacaq. Təhsili inkişafın əsası hesab edirlər, lakin təhsil haqlarını artıracaqlar.

Ermənistanda hər şey bahalaşır. İnsanlar dərman almaq üçün çörək pullarına qənaət edir və dərmanlar da bahalaşır. Fikir vermisinizmi, indi eyni məbləğlə 25-30 faiz daha az mal alırsınız?

Süd məhsulları, yağ, ət məhsulları, bütün ərzaq məhsulları bahalaşdı. Siqaret də bahalaşır. Mülkiyyət vergisi də artırıldı, düşünürəm ki, hamınız mesaj aldınız.

Sözsüz ki, dram ucuzlaşanda iqtisadi artım ləngiyəcək, inflyasiya olacaq. Avtomobil benzini və təbii qaz bahalaşır. Elektrik də bahalaşacaq. Elektrik enerjisinin qiymətindəki artım elektrik enerjisinin istifadə olunduğu malların qiymətini də artıracaq. Başqa sözlə, zəncirvari təsirlə hər şey yenidən bahalaşacaq.

Əvvəllər Qarabağdan elektrik alırdıq, indi ala bilməyəcəyik, çünki su-elektrik stansiyalarının yerləşdiyi ərazilər türklərə verildi.

Devalvasiya və vergi siyasəti ilə insanlar qarət edildi. Çörək 1000 dram olsa da, Nikolun qalacağını deyənlər vardı. İndi o vaxtlara yaxınlaşırıq. Həyat bahalaşdı, hər şey bahalaşdı, amma Nikol yerindədir. Nikol tərəfdarları, haradasınız? Gəlin danışın.

Ölkəmizdə iqtisadi tənəzzül 10 faizdir. Bu endirim o deməkdir ki, bir dövlət qurumunda işləyirsinizsə, işdən azad oluna bilərsiniz, özəl sektorda işləyirsinizsə, işinizi bağlaya bilərsiniz, təqaüdçü sabah pensiya almayacaq, müavinətlər avtomatik olaraq azalacaq. Yalnız bir ildə ölkəmizdə 22 min fabrik bağlandı.

Nikol Paşinyan Ermənistanın iqtisadi inkişafına və investisiyalara mane olur, inflyasiyanın əsas mənbəyidir. Nikol bütün komandası ilə çıxıb getməlidir - Ermənistanın düşməni kimi işlədilər. Nə olsun ki, soyadları Əliyev və ya Hacıyev deyil..."/bizimyol.info

Manevr.az