Xəbər lenti
İkinci Çernobıl fəlakəti yaşana bilərmi? - Açıqlama
Çernobıl AES-in təcrid zonasının yaxınlığında baş vermiş son yanğınlar havada artan radioaktiv hissəcikləri təhlükəli səviyyəyə çatdırmayıb.
Manevr.az xəbər verir ki, bu barədə Atom Enerjisi üzrə Beynəlxalq Agentlik (AEBA/MAQATE) məlumat yayıb.
MAQATE-nin ekspertləri öz qənaətlərində Ukrayna tərəfinin təqdim etdiyi məlumatlara söykənirlər. Məlumatda radiasiya səviyyəsinin bir qədər artması göstərilsə də, onun insan sağlamlığı üçün təhlükə yaratmadığı bildirilir.
“Bundan əlavə, yanğın yerindən uzaqlaşdıqca, radiasiyanın səviyyəsi aşağı düşür”, - deyə MAQATE-nin Fövqəladə Hallar üzrə Mərkəzinin rəhbəri Elena Buqlova qeyd edib. O, Çernobılda yanğın başladığı andan Ukrayna hökuməti ilə əlaqədə olub. Kiyev təşkilata üzv ölkələrlə oxşar hadisələr barədə məlumat mübadiləsi aparmaq üçün MAQATE tərəfindən yaradılmış xüsusi sayta mütəmadi olaraq informasiya yükləyib.
Ukrayna hökuməti yanğının təcrid zonasında işlənmiş nüvə yanacağı anbarına çatmadığını, buna görə də həmin müəssisənin əməkdaşlarının müdafiəsi üçün əlavə tədbirlərin görülməsinə və ya onların təxliyə edilməsinə ehtiyac olmadığını bildirib.
Ukrayna ərazisində radiasiyanın səviyyəsi bütün ölkə ərazisində və iyirmi il əvvəl sonuncu reaktorun bağlandığı Çernobıl AES ətrafında yerləşdirilmiş xüsusi stansiyalar şəbəkəsi vasitəsi ilə izlənilir.
Təxminən üç həftə əvvəl başlayan yanğın geniş əraziləri əhatə edib. 1986-cı ildə Çernobıl AES-də baş vermiş qəzadan sonra ətraf zonanın çirklənməsi səbəbindən bu yanğın radiasiyanın bir qədər artmasına gətirib çıxarıb. Bununla yanaşı, MAQATE havada radioaktiv materialların konsentrasiyasının Ukrayna tərəfinin müəyyən etdiyi təhlükəsizlik normalarını aşmadığını təsdiqləyib.
Ukraynanın müvafiq xidmət orqanları vəziyyəti izləməkdə davam edirlər.axar.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
Sorğu
Portalımızı dəyərləndirin.
Çox oxunanlar