.png)
Xəbər lenti
Hicablı tələbə prezidenti pərt elədi - FOTO
Kansler Angela Merkelin burkanı qadağan etmək haqda çağırışından iki həftə sonra hicablı tələbə Almaniya prezidentinin əlini sıxmaqdan imtina edib.
Azadliq.org xəbər verir ki, Köln yaxınlığında yerləşən Theodor Heuss məktəbinin tələbəsi prezident Yoahim Qaukun ona tərəf uzadılmış əlini havada qoyub. Tələbə qız əlini sinəsinə qoyub başını tərpətməklə prezidenti salamlayıb. Pərt olmuş Qauk əlini geri çəkərək növbəti tələbəyə yaxınlaşıb.
Pis davranış kimi görünsə də...
Pis davranış kimi görünsə də, bir çox müsəlman əks cinsin nümayəndəsinin əlini sıxmağı islama zidd sayır.
Sözügedən məktəb miqrant uşaqlara alman dilini öyrədir və onların cəmiyyətlə inteqrasiyasına yardım etməyə çalışır. Prezidentin ziyarətinin məqsədi də məktəbin bu fəaliyyətini vurğulamaq idi.
İnsident kansler Angela Merkelin burkanı yasaqlamaqla bağlı çağırışından iki həftə sonraya təsadüf edir.
Xristian-Demokrat İttifaqının (CDU) üzvləri kanslerin burka və niqabı "mümkün olduqca" qadağan etmək barədə çağırışını gurultulu alqışlarla qarşılayıblar.
"Bizim qaydamız belədir: Üzünüzü göstərin"
Kansler deyib: "Bizim qaydamız belədir: Üzünüzü göstərin. O səbəbdən, hər yeri örtən geyim qəbulolunmazdır və qadağan edilməlidir".
CDU məhkəmə və məktəblərdə, universitet və nəqliyyatda, polis yoxlamaları zamanı bütün bədəni örtən geyimi qadağan etmək niyyətindədir.
Merkel həmçinin miqrantların böyük axınının təkrarlanmasından yayınacağını da söyləyib.
Ötən həftə Almaniya müdafiə naziri Ursula von-der-Leyer Səudiyyə Ərəbistanında vəliəhd şahzadənin müavini Mohammed bin Salman al Saud-la görüşü zamanı hicab geyməkdən imtina edib. Nazirin bu qərarını səudiyyəlilər isti qarşılamayıblar. Onlar öz qəzəblərini "Twitter"də dilə gətiriblər.
"Geyimi seçmək kişi və qadınların bərabər hüququdur"
Tvitlərdən birində deyilir: "Almaniya müdafiə nazirinin Səudiyyədə hicab geyməməsi qəsdlidir. Bu, Səudiyyə Ərəbistanına təhqirdir".
Bir İran qəzetinin yazdığına görə, Von der Leyen belə deyib: "Mənim nümayəndə heyətimdə heç bir qadından əba geymək tələb edilməyəcək, çünki geyimi seçmək kişi və qadınların bərabər hüququdur".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar